ഗ്ലാമര്‍ വേഷങ്ങളിലൂടയാണ് തെന്നിന്ത്യന്‍ നടി നമിത ശ്രദ്ധിക്കപ്പെടുന്നത്. ഗ്ലാമറസ് റോളിലാണ് താരം കൂടുതലും എത്തിയിരുന്നത്. എന്നാൽ ഇപ്പോൾ നല്ലൊരു കഥാപാത്രം തനിക്ക് ലഭിച്ച സന്തോഷത്തിലാണ് നമിത. ‘ബൗ വൗ’ എന്ന പേരില്‍ ഒരുക്കുന്ന താരത്തിന്റെ സിനിമ വൈകാതെ റിലീസിനെത്തും. സിനിമയുടെ റിലീസുമായി ബന്ധപ്പെട്ട് മനോരമയ്ക്ക് നല്‍കിയ അഭിമുഖത്തിലൂടെ നിരവധി കാര്യങ്ങള്‍ നടി തുറന്ന് പറഞ്ഞിരിക്കുകയാണ്. അക്കൂട്ടത്തിൽ നടൻ പൃഥ്വിരാജിനൊപ്പം അഭിനയിക്കാന്‍ അതിയായ ആഗ്രഹമുണ്ടെന്ന് വെളിപ്പെടുത്തിയിരിക്കുകയാണ് താരം.
”മലയാള സിനിമ ഏറെ ഇഷ്ടമാണ്. പൃഥ്വിരാജാണ് ഇഷ്ടതാരം. അദ്ദേഹത്തിനൊപ്പം ഒരു ചിത്രം ചെയ്യാന്‍ ആഗ്രഹമുണ്ട്. മലയാള സിനിമയുടെ ചിത്രീകരണ രീതി ഇഷ്ടമാണ്” എന്നാണ് നമിതയുടെ വാക്കുകള്‍. 2010ല്‍ ബ്ലാക്ക് സ്റ്റാലിയന്‍ എന്ന കലാഭാവന്‍ ചിത്രത്തിലൂടെയാണ് നമിത മലയാള സിനിമരംഗത്തേക്ക് എത്തുന്നത്.
മോഹന്‍ലാലിന്റെ ബ്ലോക്ബസ്റ്റര്‍ ചിത്രം പുലിമുരുകനിലും ശ്രദ്ധേയമായ ഒരു വേഷത്തില്‍ താരം എത്തിയിരുന്നു. മലയാളവും തമിഴിലും ഉള്‍പ്പെടെ നാല് ഭാഷകളിലായി പുറത്തിറങ്ങുന്ന ‘ബൗ വൗ’ ആണ് നമിതയുടെതായി പുറത്തിറങ്ങാനിരിക്കുന്ന ചിത്രം. ബ്ലോഗറുടെ വേഷത്തിലാണ് ചിത്രത്തില്‍ നമിത എത്തുന്നത്.
Post Your Comments