കോവിഡ് ബാധിതർക്ക് സഹായമെത്തിക്കാൻ ആരംഭിച്ച ഗൗതം ഗംഭീർ ഫൗണ്ടേഷന് സംഭാവന നൽകി ബോളിവുഡ് നടൻ അക്ഷയ്കുമാർ. മുൻ ഇന്ത്യൻ ക്രിക്കറ്റ് താരവും ഡൽഹിയിൽ നിന്നുള്ള ബിജെപി എം പിയുമായ ഗൗതം ഗംഭീർ തന്നെയാണ് ഫൗണ്ടേഷനിലക്ക് അക്ഷയ് സഹായം നൽകിയ വിവരം അറിയിച്ചത്. ഒരു കോടി രൂപയാണ് അക്ഷയ് സംഭാവനയായി നൽകിയത്.
‘അന്ധകാരത്തിന്‍റെ ഈ സമയത്ത് വരുന്ന എല്ലാ സഹായങ്ങളും പ്രതീക്ഷയുടെ ഒരു കിരണമാണ്. അശരണർക്ക് ഭക്ഷണവും മരുന്നും ഓക്സിജനും എത്തിക്കാൻ ഗൗതം ഗംഭീർ ഫൗണ്ടേഷന് ഒരു കോടി രൂപ നൽകിയ അക്ഷയ് കുമാറിന് ഒരുപാട് നന്ദി. ദൈവം അനുഗ്രഹിക്കട്ടെ’ -ഗംഭീർ ട്വീറ്റ് ചെയ്തു.
നാമെല്ലാവരും ഉടൻ തന്നെ ഈ പ്രതിസന്ധിയിൽ നിന്ന് കരകയറുമെന്ന് പ്രത്യാശയോടെയാണ് ഗംഭീറിന്‍റെ ട്വീറ്റിന് അക്ഷയ് മറുപടി എഴുതിയത്. ഇത് ശരിക്കും ദുഷ്‌കരമായ സമയമാണ് ഗൗതം ഗംഭീർ. സഹായിക്കാൻ സാധിച്ചതിൽ എനിക്ക് അതിയായ സന്തോഷം തോന്നുന്നു. നാമെല്ലാവരും ഉടൻ തന്നെ ഈ പ്രതിസന്ധിയിൽ നിന്ന് കരകയറുമെന്ന് പ്രത്യാശിക്കുന്നു. സുരക്ഷിതമായി ഇരിക്കുക’; അക്ഷയ് കുറിച്ചു.
Post Your Comments