”മഹാവീര്യർ” ; സിനിമയുടെ ചിത്രീകരണം പൂർത്തീകരിച്ചു

നിവിൻ പോളി, ആസിഫ് അലി എന്നിവരെ കേന്ദ്ര കഥാപാത്രങ്ങളാക്കി എബ്രിഡ് ഷൈൻ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘മഹാവീര്യർ’ . ഇപ്പോഴിതാ സിനിമയുടെ ചിത്രീകരണം പൂർത്തീകരിച്ച വിവരം പങ്കുവെയ്ക്കുകയാണ് നടൻ നിവിൻ പോളി. കൊവിഡ് മഹാമാരിക്കിടെ ഒട്ടേറെ വെല്ലുവിളികൾ നേരിട്ടാണ് ചിത്രത്തിന്റെ ഷൂട്ടിംഗ് പൂർത്തിയാക്കാനായത് എന്ന് നിവിൻ സോഷ്യൽ മീഡിയയിലൂടെ കുറിക്കുന്നു.

കന്നഡ നടി ഷാൻവി ശ്രീവാസ്തവയാണ് ചിത്രത്തിലെ നായിക. ലാൽ, സിദ്ദിഖ്, ലാലു അലക്സ്, വിജയ് മേനോൻ, കൃഷ്ണ പ്രസാദ്, മേജർ രവി, സുധീർ കരമന, മല്ലിക സുകുമാരൻ, പദ്മരാജൻ എന്നിവരെ കൂടാതെ മറ്റു പ്രമുഖ താരങ്ങളും മഹാവീര്യറിൽ അണിനിരക്കുന്നു. എം.മുകുന്ദന്റേതാണ് കഥ.

https://www.instagram.com/p/CN7t0qcrydm/?utm_source=ig_web_copy_link

പോളി ജൂനിയറിന്റെ ബാനറിൽ നിവിൻ പോളിയും ഇന്ത്യൻ മൂവി മേക്കേഴ്സിന്റെ ബാനറിൽ ഷംനാസും ചേർന്നാണ് ചിത്രം നിർമ്മിക്കുന്നത്. ചന്ദ്രമോഹൻ സെൽവരാജ് ഛായാഗ്രഹണവും ഇഷാൻ ചാബ്ര സംഗീതവും ഒരുക്കുന്നു. കലാസംവിധാനം: അനീസ് നാടോടി, മേക്കപ്പ്: ലിബിൻ മോഹനൻ. ചന്ദ്രകാന്തും മെൽവിനും വസ്ത്രാലങ്കാരം ചേർന്ന് നിർവഹിക്കുന്നു.