മഞ്ജുവിന്റെ വൈറൽ ലുക്ക് അനുകരിച്ച് മുത്തശ്ശി ; ഇതിനുമപ്പുറം എന്ത് അംഗീകാരം വേണം എന്ന് മഞ്ജു

ചതുർമുഖത്തിന്റെ പ്രമോഷനുമായി ബന്ധപ്പെട്ട് എത്തിയ മഞ്ജു വാര്യരുടെ ഒരു ചിത്രം സോഷ്യൽമീഡിയയിൽ വൈറലായി മാറിയിരുന്നു. വെള്ളനിറത്തിലുള്ള ഷര്‍ട്ടും ബ്ലാക്ക് സ്‌കേര്‍ട്ടുമായിരുന്നു മഞ്ജുവിന്റെ വേഷം.  ഈ ചിത്രങ്ങള്‍ ആരാധകർ ഇരു കൈയ്യും നീട്ടിയാണ് സ്വീകരിച്ചത്. ആ കൂട്ടത്തിൽ വ്യത്യസ്‌തമായ ഒരു ആരാധികയെ പരിചയപ്പെടുത്തുകയാണ് മഞ്ജു വാര്യർ.

തന്നെ അനുകരിച്ചുകൊണ്ടെത്തിയ ലക്ഷ്മി എന്ന മുത്തശ്ശിയുടെ ചിത്രമാണ് മഞ്ജു പങ്കുവെച്ചിരിക്കുന്നത്. മഞ്ജു ധരിച്ചതുപോലുള്ള വൈറ്റ് കളര്‍ ടോപ്പും വെള്ള പൂക്കളുള്ള കറുത്ത മിഡിയും അണിഞ്ഞുകൊണ്ട് തന്‍റെ വാക്കറിൽ ഒരു കൈ പിടിച്ച് മറു കൈ വീശിക്കൊണ്ട് പുഞ്ചിരിച്ച് നിൽക്കുന്ന മുത്തശ്ശിയെയാണ് കാണാൻ കഴിയുന്നത്. ഈ ചിത്രവും മഞ്ജുവിന്റെ ചിത്രവും ചേർത്തു വച്ച കൊളാഷാണ് താരം പങ്കുവെച്ചത്.
“ഇതിനുമപ്പുറം എന്ത് അംഗീകാരം ? ഒരുപാടൊരുപാടു സ്നേഹം ലക്ഷ്മി ആന്റീ,”എന്ന് ചിത്രത്തോടൊപ്പം മഞ്ജു കുറിച്ചു.

https://www.instagram.com/p/COAH_J7p6wp/?utm_source=ig_web_copy_link