മോഡേൺ ലുക്കിൽ മഞ്ജു വാര്യർ ; താരത്തിന്റെ പുത്തൻ മേക്കോവർ ഏറ്റെടുത്ത് ആരാധകർ

മലയാള സിനിമയുടെ എക്കാലത്തെയും ലേഡി സൂപ്പർ സ്റ്റാറാണ് മഞ്ജു വാര്യർ. വിവാഹത്തെ തുടർന്ന് സിനിമയിൽ നിന്ന് വിട്ടു നിന്ന മഞ്ജു പിന്നീട് ഗംഭീര തിരിച്ചുവരവാണ് നടത്തിയത്. ചുരുങ്ങിയ സമയം കൊണ്ട് നിരവധി ചിത്രങ്ങളിൽ വ്യത്യസ്തമായ കഥാപാത്രങ്ങളെ താരം അവതരിപ്പിച്ചു. ഓരോ ചിത്രങ്ങൾ ഇറങ്ങുമ്പോഴും ഗംഭീര മേക്കോവറാണ് താരം നടത്തുന്നത്. ഏറ്റവും ഒടുവിൽ ഇറങ്ങിയ ചതുർമുഖം എന്ന ചിത്രത്തിന്റെ പ്രമോഷന്റെ ഭാഗമായി എത്തിയ മഞ്ജുവിന്റെ ലുക്ക് സോഷ്യൽ മീഡിയയിൽ വലിയ തോതിൽ ചർച്ച ചെയ്യപ്പെട്ടിരുന്നു. ഇപ്പോഴിതാ മറ്റൊരു ഗംഭീര ലുക്കുമായി എത്തിയിരിക്കുകയാണ് മഞ്ജു.

ചിത്രം ആരാധകർ ഏറ്റെടുത്തുകഴിഞ്ഞു. മോഡേൺ ലുക്കിൽ സീരിയസായി നിൽക്കുന്ന ഒരു ചിത്രമാണ് താരം പങ്കുവെച്ചിട്ടുള്ളത്.

”ഇനി ഈ ഡ്രസ്സ് എവിടുന്ന് വാങ്ങും, ആ പോരട്ടെ പോരട്ടെ Attitude ഇട്ട് ഒരു പിടികൂടി പിടിച്ചു അങ്ങനെ ഞങ്ങടെ ചേച്ചി, എന്തൊക്കെ പറഞ്ഞാലും മഞ്ജുചേച്ചിയുടെ ചിരിക്കുന്ന മുഖം മലയാള മനസ്സുകളിൽ പതിഞ്ഞു കഴിഞ്ഞു” എന്ന് തുടങ്ങി നിരവധി കമന്റുകളാണ് ചിത്രത്തിന് ലഭിക്കുന്നത്.

https://www.instagram.com/p/CN840LdpfIJ/?utm_source=ig_web_copy_link

മലയാളത്തില്‍ മരക്കാര്‍ അറബിക്കടലിന്റെ സിംഹം, ജാക്ക് ആന്റ് ജില്‍, കയറ്റം, ലളിതം സുന്ദരം, പടവെട്ട്, മേരി ആവാസ് സുനോ, വെള്ളരിക്കാപ്പട്ടണം തുടങ്ങിയ സിനിമകളാണ് മഞ്ജുവിന്റേതായി പുറത്തിറങ്ങാനൊരുങ്ങുന്നത്.