സെറ്റുസാരിയിൽ മനോഹരിയായി നടി കങ്കണ ; ചിത്രങ്ങൾ

പ്രേഷകരുടെ പ്രിയപ്പെട്ട ബോളിവുഡ് നടിയാണ് കങ്കണ റണാവത്ത്. സോഷ്യൽ മീഡിയയിൽ വളരെ സജീവമായ കങ്കണ പങ്കുവെക്കാറുള്ള ചിത്രങ്ങളും കുറിപ്പുമെല്ലാം ശ്രദ്ധേയമാകാറുണ്ട്. ഇപ്പോഴിതാ കങ്കണ പങ്കുവെച്ച പുതിയ ചിത്രമാണ് വൈറലാകുന്നത്.

സ്വർണ കസവുള്ള കേരള സാരിയ്ക്ക് മാറ്റേകി സ്റ്റേറ്റ്മെന്റ് ആഭരണമാണ് താരം അണിഞ്ഞിരിക്കുന്നത്. മിനിമലിസ്റ്റിക് മേക്കപ്പണിഞ്ഞ് തലയിൽ മുല്ലപ്പൂവും ചൂടിയാണ് താരത്തെ ചിത്രങ്ങളിൽ കാണാനാവുന്നത്.

https://www.instagram.com/p/CN1sIUkBRhA/?utm_source=ig_web_copy_link

ഇത്തവണത്തെ മികച്ച നടിക്കുള്ള ദേശീയ പുരസ്കാരം നേടിയത് കങ്കണയായിരുന്നു. പങ്ക, മണികർണിക എന്നീ ചിത്രങ്ങളിലെ പ്രകടനത്തിനാണ് താരത്തെ തേടി പുരസ്കാരമെത്തിയത്.

തമിഴ്നാട് മുൻമുഖ്യമന്ത്രി ജയലളിതയുടെ ജീവിതം പറയുന്ന തലൈവിയാണ് താരത്തിന്റെ പുറത്തിറങ്ങാനുള്ള ഏറ്റവും പുതിയ ചിത്രം. എ.എൽ വിജയ് സംവിധാനം ചെയ്യുന്ന ചിത്രത്തിൽ ജയലളിതയാണ് കങ്കണ വേഷമിടുന്നത്. മൂന്ന് ഭാഷകളിലാണ് ചിത്രം ഒരുങ്ങുന്നത്.