ആസിഫ് അലിയും ജിസ് ജോയും വീണ്ടും ഒന്നിക്കുന്നു ; സിനിമയുടെ ചിത്രീകരണം ആരംഭിച്ചു

ആസിഫ് അലിയെ നായകനാക്കി ജിസ് ജോയ് തിരക്കഥ രചിച്ച് സംവിധാനം ചെയ്യുന്ന പുതിയ സിനിമയുടെ ചിത്രീകരണം കൊച്ചിയിൽ ആരംഭിച്ചു. തൃക്കാക്കരയിലെ ഒരു ഫ്ളാറ്റിൽ നടന്ന ലളിതമായ ചടങ്ങിൽ ജിസ് ജോയ് യുടെ പിതാവ് തോമസ് ജോയ്- സ്വിച്ചോൺ കർമ്മം നിർവ്വഹിച്ചു. നടി നിമിഷാസജയൻ ഫസ്റ്റ് ക്ലാപ്പും നൽകി.

ആസിഫ് അലി, ആൻ്റണി വർഗീസ്, നിമിഷാസ ജയൻ, എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ സിദ്ദിഖ്, അതുല്യ, റെബേക്കാമോത്തിക്കാ ജയൻ, ഡോ.റോണി ഡേവിഡ്, ശീലഷ്മി, ശ്രീഹരി എന്നിവർ മറ്റു കഥാപാത്രങ്ങളെ അവതരിപ്പിക്കുന്നു.

ബോബി – സഞ്ജയ് യുടേതാണ് ഈ ചിത്രത്തിൻ്റെ കഥ ഒരുക്കിയിരിക്കുന്നത്. ബാഹുൽ രമേഷാണ് ഛായാഗ്രാഹകൻ, എഡിറ്റിംഗ് രതീഷ് രാജ്, കലാസംവിധാനം എം.ബാവ, ചീഫ് അസ്സോസ്സിയേറ്റ് ഡയറക്ടർ രതീഷ് മൈക്കിൾ, അസ്സോസ്സിയേറ്റ് ഡയറക്ടർ ഫർഹാൻ പി. ഫൈസൽ, പ്രൊഡക്ഷൻ എക്സിക്കുട്ടിവ് ഷിബു പന്തലക്കോട് , പ്രൊഡക്ഷൻ കൺട്രോളർ ജാവേദ് ചെമ്പ്. സെൻട്രൽപിക്ച്ചേഴ്സാണ് ചിത്രം പ്രദർശനത്തിനെത്തിക്കുന്നത്. ഫോട്ടോ .രാജേഷ് നടരാജൻ.

വാഴൂർ ജോസ്.