ഡ്യൂപ്പ് ഇല്ലാതെ സാഹസിക രംഗങ്ങൾ ചെയ്ത് മഞ്ജു വാര്യർ ; ചതുർമുഖത്തിന്റെ ചിത്രീകരണ വീഡിയോ പുറത്തുവിട്ടു

മഞ്ജു വാര്യരും സണ്ണി വെയ്‌നും കേന്ദ്ര കഥാപാത്രങ്ങളായി എത്തിയ മലയാളത്തിലെ ആദ്യ ടെക്നോ ഹൊറർ ചിത്രമാണ് ചതുർമുഖം. സിനിമയിൽ നിരവധി സാഹസികത നിറഞ്ഞ രംഗങ്ങൾ ഉൾപ്പെടുത്തിയിരുന്നു. ഈ രംഗങ്ങൾ എല്ലാം ഡ്യൂപ്പിന്റെ സഹായങ്ങൾ ഒന്നുമില്ലാതെ മഞ്ജു തനിയെയാണ് ചെയ്തിരിക്കുന്നത്. ഇതിന്റെ വീഡിയോ ഇപ്പോൾ പുറത്തുവിട്ടിരിക്കുകയാണ് അണിയറപ്രവർത്തകർ.

എന്നാൽ ആക്ഷൻ അല്ലെങ്കിലും സാഹസിക രംഗം ഡ്യൂപ്പ് ഇല്ലാതെ ചെയ്തിരിക്കുകയാണ് മഞ്ജു വാര്യർ. ചതുർമുഖം സക്സസ് സോംഗിലാണ് ഈ രംഗം ഉൾപ്പെട്ടിട്ടിരിക്കുന്നത്. രണ്ട് ചങ്ങലകളിൽ തൂങ്ങി മുകളിലേക്ക് പൊങ്ങി മലക്കംമറിയുന്ന രംഗമാണ് മഞ്ജു വാര്യർ അവതരിപ്പിച്ചിരിക്കുന്നത്.

വിധു പ്രതാപും മിഥുന്‍ അശോകനും ചേർന്നൊരുക്കിയ ഗാനം പാടിയതും വിധു പ്രതാപാണ്.