ആത്മഹത്യയ്ക്ക് ശ്രമിച്ച് കന്നട നടി ഛൈത്ര കൂട്ടൂര്‍

കന്നട നടിയും, ബിഗ് ബോസ് താരവുമായ ഛൈത്ര കൂട്ടൂര്‍ ആത്മഹത്യയ്ക്ക് ശ്രമിച്ചു. അവശനിലയില്‍ കാണപ്പെട്ട ഛൈത്രയെ കുടുംബാംഗങ്ങള്‍ ആശുപത്രിയില്‍ എത്തിക്കുകയായിരുന്നു. കീടനാശിനി കുടിച്ച ഛൈത്ര അപകടനില തരണം ചെയ്തുവെന്നും ഡോക്ടര്‍മാരുടെ നിരീക്ഷണത്തിലാണെന്നും ഛൈത്രയുടെ പിതാവ് മാധ്യമങ്ങളോട് പ്രതികരിച്ചു.

കന്നഡയിലെ പ്രശസ്ത എഴുത്തുകാരിയും കൂടിയായ ഛൈത്ര കുറച്ച് നാളുകള്‍ക്ക് മുന്‍പാണ് വിവാഹിതയായത്. മധ്യപ്രദേശ് സ്വദേശിയായ നാഗാര്‍ജുനയാണ് ഛൈത്രയുടെ ഭര്‍ത്താവ്. വിവാഹത്തില്‍ നാഗാര്‍ജുനയുടെ കുടുംബാംഗങ്ങള്‍ക്ക് ഉണ്ടായ എതിര്‍പ്പിനെ തുടർന്നുള്ള പ്രശ്‌നങ്ങളാണ് ആത്മഹത്യാ ശ്രമത്തിലേക്ക് നയിച്ചതെന്നാണ് ഛൈത്രയുടെ കുടുംബാംഗങ്ങൾ ആരോപിക്കുന്നത്.