മലയാളത്തിൽലെ ഗ്ലാമർ റോളുകളെക്കുറിച്ചു നടി മീന

ബാലതാരമായി എത്തി തെന്നിന്ത്യയിൽ സൂപ്പർ നായികയായി മാറിയ നടിയാണ് മീന. സൂപ്പർ താരങ്ങളുടെ നായികയായി തിളങ്ങിയ മീനയുടെ മലയാളത്തിലെ ഹിറ്റ് ചിത്രങ്ങളിൽ കൂടുതലും നായകൻ മോഹൻലാൽ ആണ്. നായികയായി തിളങ്ങുമ്പോൾ ഗ്ളാമർ വേഷങ്ങളോട് നോ പറയാത്തതിന്റെ കാരണം പങ്കുവയ്ക്കുകയാണ് താരം.

”ഗ്ലാമർ അഭിനയിക്കുമ്പോൾ കഥാപാത്രത്തിനു ‍െഡപ്ത് കുറയുന്നതാണു ബാക്കി ഭാഷകളിലെ പതിവ്. പക്ഷേ, മലയാളത്തിൽ അങ്ങനെയല്ല. ഗ്ലാമർ റോളുകൾ ചെയ്യുമ്പോൾ തന്നെ അഭിനയസാധ്യതയുള്ള റോളുകളും കിട്ടും. ‘ഉദയനാണു താര’ത്തിൽ സിനിമാനടിയായി തന്നെ അഭിനയിച്ചത് ബോണസാണ്. ‘കരളേ… കരളിന്റെ കരളേ…’ സോങ്ങിന്റെ ഷൂട്ടിങ്ങിനിടെ ഒരു രസമുണ്ടായി. പഴയ കാലത്തെ പോലെ ഡ്രസ് ഒക്കെ ചെയ്തു വന്ന് ഡാൻസ് മാസ്റ്ററുടെ അടുത്ത് റിഹേഴ്സൽ കഴിഞ്ഞ് ഷോട്ട് റെഡി കേൾക്കുമ്പോൾ ഞാനും ശ്രീനിയേട്ടനും ഡാൻസ് തുടങ്ങും. പാട്ടിനൊത്ത് ശ്രീനിയേട്ടനു സ്റ്റെപ്പുകൾ വരില്ല. ഡയറക്ടർ ‘കട്ട്’ വിളിക്കുമ്പോൾ ശ്രീനിയേട്ടന്റെ ഡയലോഗ് വരും, ‘മീന നന്നായി ഡാൻസ് കളിക്കുന്നതു കൊണ്ട് എന്റെ ഡാൻസിന്റെ ഭംഗി തിരിച്ചറിയാൻ പറ്റാത്തതാണ്…’ മീന പറയുന്നു