ഉത്തര ഉണ്ണിയുടെ ഹൽദി ചടങ്ങിൽ ദിലീപും കാവ്യയും പങ്കെടുത്തപ്പോൾ ; ചിത്രങ്ങൾ പുറത്ത്

അഭിനയവും കൊണ്ടും നൃത്തം കൊണ്ടും പ്രേക്ഷകർക്ക് സുപരിചിതയായ താരമാണ് ഉത്തര ഉണ്ണി. ഊർമ്മിള ഉണ്ണിയുടെ മകൾ എന്ന നിലയിലും, സംയുക്ത വർമ്മയുടെ അനുജത്തി എന്ന നിലയിലും നേരത്തെ ശ്രദ്ധിക്കപ്പെട്ട താരമാണ് ഉത്തര. ഇന്ന് രാവിലെയായിരുന്നു ഉത്തരയുടെ വിവാഹം. ബാംഗ്ലൂരിൽ ബിസിനസുകാരനായി ജോലി ചെയ്യുന്ന നിതേഷ് നായരാണ് വരൻ. അതേസമയം ഉത്തരയുടെ ഹൽദി ചടങ്ങിൽ പങ്കെടുക്കാനെത്തിയ ദിലീപിന്റെയും കാവ്യയുടെയും ചിത്രങ്ങളാണ് ഇപ്പോൾ ശ്രദ്ധ നേടുന്നത്.

ഒരേ കളർ വേഷത്തിലാണ് ദിലീപും കാവ്യയും എത്തിയത്. നീല അനാർക്കലിയാണ് കാവ്യാ ധരിച്ചത്. അതേ കളർ ഷർട്ടാണ് ദിലീപും അണിഞ്ഞിരുന്നത്.

https://www.instagram.com/p/CNRiEBOJ0sP/?utm_source=ig_web_copy_link

ഇന്ന് രാവിലെ നടന്ന ഉത്തരയുടെ വിവാഹ ചടങ്ങിൽ സംയുക്ത വർമ്മയും എത്തിയിരുന്നു. 2020 ഏപ്രിലിൽ നടത്താനിരുന്ന വിവാഹം കോവിഡിന്റെ സാഹചര്യം കണക്കിലെടുത്ത് മാറ്റി വയ്ക്കുകയായിരുന്നു.

ഭരതനാട്യം നർത്തകിയായ ഉത്തര ‘വവ്വാൽ പശങ്ക’ എന്ന തമിഴ് ചിത്രത്തിലൂടെയാണ് സിനിമയിൽ അരങ്ങേറ്റം കുറിച്ചത്. ലെനിൻ രാജേന്ദ്രൻ ചിത്രം ‘ഇടവപ്പാതി’ ആയിരുന്നു ഉത്തരയുടെ ആദ്യമലയാള ചിത്രം. നിരവധി പരസ്യ ചിത്രങ്ങളിലും ഉത്തര അഭിനയിച്ചിട്ടുണ്ട്. നയന്‍ത് മന്ത്, പോ പ്രിന്റ്‌സ്, രണ്ടാം വരവ് തുടങ്ങിയ ഹ്രസ്വചിത്രങ്ങളും സംവിധാനം ചെയ്തിട്ടുണ്ട്.