പ്രേഷകരുടെ പ്രിയപ്പെട്ട താരദമ്പതികളാണ് നടി ജ്യോതിർമയിയും സംവിധായകനും സിനിമാറ്റോഗ്രാഫറുമായ അമൽ നീരദും. അടുത്തിടെ മമ്മൂട്ടിയെ നായകനാക്കി അമല്‍ സംവിധാനം ചെയ്യുന്ന പുതിയ ചിത്രം ‘ഭീഷ്‍മപര്‍വ്വം’ എന്ന ചിത്രത്തിന്റെ ലൊക്കേഷനിൽ നിന്നുള്ള ജ്യോതിർമയിയുടെ ചിത്രങ്ങൾ ശ്രദ്ധ നേടിയിരുന്നു. നസ്രിയയും ജ്യോതിർമയിയും ചേർന്നാണ് അന്ന് ചിത്രത്തിന് ക്ലാപ്പടിച്ചത്.
ഇപ്പോഴിതാ, അമൽ നീരദിന്റെയും ജ്യോതിർമയിയുടെയും പുതിയ വീടിന്റെ ചിത്രങ്ങളാണ് ശ്രദ്ധ കവരുന്നത്. ഫ്രഞ്ച് ആർക്കിടെക്ചർ ശൈലിയിലാണ് ഇരുവരുടെയും വീടൊരുക്കിയിരിക്കുന്നത്. ലോക്ക്ഡൗൺ കാലത്ത് ജ്യോതിർമയിയുടെ തലമൊട്ടയടിച്ച ഒരു ചിത്രം അമൽ ഇൻസ്റ്റഗ്രാമിൽ പങ്കുവച്ചിരുന്നു. തമസോമ ജ്യോതിർഗമയ എന്നാണ് ചിത്രത്തിന് അമൽ നീരദ് നൽകിയ അടിക്കുറിപ്പ്.2015 ഏപ്രിലിൽ ആയിരുന്നു അമൽനീരദും ജ്യോതിർമയിയും തമ്മിലുള്ള വിവാഹം.
Post Your Comments