പിറന്നാൾ ദിനത്തിൽ ഭാര്യയ്ക്ക് ഒരു കോടിയുടെ ആഡംബര കാർ സമ്മാനിച്ച് അനിൽ കപൂർ

ബോളിവുഡ് നടൻ അനിൽ കപൂർ ഭാര്യ സുനിത കപൂറിന് ജന്മദിനത്തിൽ സമ്മാനമായി നൽകിയത് ഒരു കോടിയുടെ ആഡംബര എസ്.യു.വി. കാർ. മെഴ്‌സീഡസ് ബെന്‍സ് ജി.എല്‍.എസ്. ആണ് താരം ഭാര്യക്കായി സമ്മാനിച്ചത്. ഇതിനുപുറമെ, താരം തന്റെ ഭാര്യയ്‌ക്കൊപ്പമുള്ള ഫോട്ടോയും ഒരു ഹൃദയസ്പര്‍ശിയായ കുറിപ്പും സോഷ്യൽ മീഡിയയിലൂടെ പങ്കുവച്ചു.

https://www.instagram.com/p/CMz8SdCHLuD/?utm_source=ig_web_copy_link

മെഴ്‌സിഡസ് ബെന്‍സ് കഴിഞ്ഞ വര്‍ഷം വിപണിയില്‍ അവതരിപ്പിച്ച ജി.എല്‍.എസ്. മോഡലാണ് അനില്‍ കപൂര്‍ ഭാര്യക്കായി സ്വന്തമാക്കിയത്. പെട്രോള്‍, ഡീസല്‍ എന്‍ജിനുകളിലായി രണ്ട് വേരിയന്റുകളില്‍ വിപണിയില്‍ എത്തിയിട്ടുള്ള ഈ വാഹനങ്ങള്‍ക്ക് 1.04 കോടി രൂപയാണ് എക്‌സ്‌ഷോറൂം വില.