അഭിനയ മികവിൽ എന്നും മുൻനിരയിൽ നിൽക്കുന്ന നടനാണ് മമ്മൂട്ടി. വ്യത്യസ്തമായ അഭിനയത്തിലൂടെയും വേഷ പകർച്ചയിലൂടെയും എന്നും അതിശയിപ്പിക്കുന്ന താരമാണ് മമ്മൂട്ടി. ഇന്ന് തിയേറ്ററുകളിലെത്തിയ ‘വണ്‍’ എന്ന ചിത്രത്തില്‍ മമ്മൂട്ടിയ്ക്കൊപ്പം അഭിനയിക്കുന്ന നടനും എഴുത്തുകാരനുമായ മുരളി ഗോപി മമ്മൂട്ടിയെക്കുറിച്ച് പറഞ്ഞ വാക്കുകളാണ് ഇപ്പോൾ ശ്രദ്ധേയമാകുന്നത്.
സിനിമയിൽ മമ്മൂട്ടി ഭാഷ കൈകാര്യം ചെയ്യുന്ന രീതി എടുത്തു പറഞ്ഞ മുരളി ഗോപി മമ്മൂട്ടിയുടെ കഴിവിനെ പ്രശംസിക്കുകയും ചെയ്തു. അടുത്തതായി തൻ എഴുതുന്ന തിരക്കഥയിൽ മമ്മൂട്ടി ആയിരിക്കും നായകനെന്നും മുരളി വെളിപ്പെടുത്തി. ബിഹൈന്‍ഡ്‌ വുഡ്സിന് നല്‍കിയ അഭിമുഖത്തിലാണ് മുരളി ഇക്കാര്യം പറഞ്ഞത്.
മുരളി ഗോപിയുടെ വാക്കുകൾ
‘’ഭാഷ, എഴുതുന്ന വാക്ക്, ഭാഷയുടെ പ്രകാശനം, അതിന്റെ പോസസ് (Pauses), അതിന്റെ നുവാന്‍സിംഗ് (Nuancing) … അതേറ്റവും നന്നായിട്ട് സ്ക്രീനില്‍ കൊണ്ട് വരുന്ന ചുരുക്കം ചില അഭിനേതാക്കളില്‍ ഒരാളാണ് മമ്മൂട്ടി സാര്‍. അപ്പോള്‍, ഒരു എഴുത്തുകാരന്‍ എന്ന നിലയില്‍ അതാണ്‌ ഞാന്‍ പറയുന്നത്, റൈറ്ററിന്റെ ഒരു ഡ്രീം ആണ് അങ്ങനെയുള്ളവര്‍. ഭാഷയുടെ ആത്മാവ് മനസ്സിലാക്കി, പെര്‍ഫോം ചെയ്യുന്ന അഭിനേതാക്കള്‍ എന്ന് പറയുന്നത്’, മുരളി പറയുന്നു.
”പൃഥ്വിരാജിന്റെ സംവിധാനത്തില്‍ മോഹന്‍ലാല്‍ നായകനായി എത്തുന്ന ‘എമ്പുരാന്‍’ എന്ന ചിത്രത്തിന് ശേഷം താന്‍ എഴുതുന്ന തിരക്കഥയില്‍ മമ്മൂട്ടി നായകനാകും” എന്നും മുരളി വ്യക്തമാക്കി.
Post Your Comments