ബോളിവുഡ് നടി സണ്ണി ലിയോൺ മലയാള സിനിമയിൽ നായികയാകാനൊരുങ്ങുന്നു. കുട്ടനാടൻ മാർപാപ്പ എന്ന ചിത്രത്തിലൂടെ ശ്രദ്ധേയനായ സംവിധായകൻ ശ്രീജിത്ത് വിജയൻ സംവിധാനം ചെയ്യുന്ന ‘ഷീറോ’ എന്ന ചിത്രത്തിലാണ് സണ്ണി മലയാള സിനിമയിൽ നായികയായി അരങ്ങേറ്റം കുറിക്കുന്നത്. ഇന്ന് കൊച്ചിയിൽ വെച്ചായിരുന്നു ചിത്രത്തിന്റെ പ്രഖ്യാപനം നടന്നത്.
പുതിയ ചലച്ചിത്ര നിര്‍മ്മാണ കമ്പനിയായ ഇക്കിഗായ് മൂവീസിന്റെ ബാനറില്‍ അൻസാരി നെക്സ്റ്റൽ, രവി കിരൺ എന്നിവരാണ് ഷീറോയുടെ നിർമ്മാതക്കള്‍. സൈക്കോളജിക്കൽ ത്രില്ലർ വിഭാഗത്തിൽ പെടുന്ന ” ഷീറോ” എന്നു പേരിട്ടിരിക്കുന്ന ബിഗ് ബജറ്റ് ചിത്രം സൗത്ത് ഇന്ത്യയിലെ എല്ലാ ഭാഷയിലും റിലീസ് ചെയ്യും.
സിനിമയുടെ ചിത്രീകരണത്തിനായി ആകാംക്ഷയോടെ കാത്തിരിക്കുകയാണെന്ന് സണ്ണി ലിയോണി പറഞ്ഞു. ഉദയ് സിങ് മോഹിത്താണ് സിനിമയുടെ ഛായാഗ്രാഹകൻ. സൈക്കോളജിക്കൽ ത്രില്ലർ വിഭാഗത്തിൽപ്പെടുന്ന ചിത്രത്തിലെ ഫസ്റ്റ് ലുക്ക് മോഷൻ പോസ്റ്ററും പുറത്തിറക്കി
Post Your Comments