മോഹൻലാൽ എന്ന നടൻ ആദ്യമായി ഒരു ചിത്രത്തിൻ്റെ സംവിധായകനാകുന്നു എന്ന വാർത്ത ചലച്ചിത്ര രംഗത്ത് വലിയ കൗതുകവും പ്രതീക്ഷയും ഉയർത്തിയിട്ട് രണ്ടു വർഷത്തോളമാകുന്നു. പ്രഖ്യാപന സമയം മുതൽ മലയാള സിനിമാസ്വാദകരുടെ ഇടയിലെ ചർച്ചയായിരുന്നു മോഹൻലാലിൻറെ ‘ബറോസ്’ എന്ന ചിത്രം. മോഹൻലാൽ ആദ്യമായി സംവിധാനം ചെയ്യുന്ന ചിത്രം എന്നതാണ് അതിന് കാരണം.
ഇപ്പോഴിതാ ഷൂട്ടിംഗ് തുടങ്ങാൻ പോകുന്ന ബറോസിന് ആശംസയുമായി എത്തുകയാണ് ബോളിവുഡ് നടൻ അമിതാഭ് ബച്ചൻ. സോഷ്യൽ മീഡിയയിലൂടെയാണ്‌ അമിതാഭ് ബച്ചന്‍ മോഹന്‍ലാലിന് ആശംസകള്‍ അറിയിച്ചത്. ‘മോഹന്‍ലാലിന്റെ ആദ്യ സംവിധാന സംരംഭമായ ബറോസിന് എല്ലാ വിജയങ്ങളും ഉയര്‍ച്ചകളും ഉണ്ടാവട്ടെ’, എന്നായിരുന്നു ബച്ചന്റെ ട്വീറ്റ്. ഇതിന് മോഹൻലാൽ മറുപടിയും നൽകി.
‘സര്‍, വളരെ നന്ദിയോടെ ഞാന്‍ താങ്കളുടെ സ്‌നേഹം നിറഞ്ഞ വാക്കുകള്‍ സ്വീകരിക്കുന്നു. ഹൃദയസ്പര്‍ശിയായ അങ്ങയുടെ വാക്കുകള്‍ ഞാന്‍ എന്നും കാത്ത് സൂക്ഷിക്കുന്ന അനുഗ്രഹമാണ്. അങ്ങെയോടുള്ള എന്റെ ബഹുമാനവും ആരാധനയും തുടര്‍ന്നുകൊണ്ടേ ഇരിക്കും. വളരെ നന്ദി’, എന്നാണ് മോഹൻലാൽ കുറിച്ചത്.
Post Your Comments