ഫഹദ് ഫാസില്‍ ചിത്രം “ഇരുള്‍” ഏപ്രില്‍ 2ന് നെറ്റ്ഫ്‌ളിക്‌സില്‍ റിലീസ് ചെയ്യും. ചിത്രത്തിന്‍റെ ഏറെ നിഗൂഢതകള്‍ നിറഞ്ഞ ട്രെയ്‌ലര്‍ കഴിഞ്ഞ ദിവസം പുറത്തു വന്നിരുന്നു. ഇപ്പോഴിതാ ചിത്രത്തിന്‍റെ പുതിയ പോസ്റ്റര്‍ ഫഹദ് തന്നെ തന്‍റെ സമൂഹ മാധ്യമ പേജിലൂടെ പുറത്തു വിട്ടിരിക്കുകയാണ്. ”ഇരുളിന്‍റെ വിളി വന്നാല്‍ അതിനെ നേരിടുക എന്നത് മാത്രമാണ് മുന്നിലുള്ള ഏക മാര്‍ഗം. അത് നിങ്ങള്‍ ചെയ്യുമോ?” എന്നാണ് താരം പോസ്റ്ററിന് ക്യാപ്ഷനായി കുറിച്ചിരിക്കുന്നത്.
https://www.facebook.com/FahadhFaasil/posts/279321500228388
നസീഫ് യൂസുഫ് സംവിധാനം ചെയ്യുന്ന ചിത്രം ആൻറ്റോ ജോസഫ് ഫിലിം കമ്പനിയുടെയും പ്ലാന്‍ ജെ സ്റ്റുഡിയോസിന്‍റെയും ബാനറില്‍ ആൻറ്റോ ജോസഫ്, ജോമോന്‍ ടി ജോണ്‍, ഷമീര്‍ മുഹമ്മദ് എന്നിവരാണ് ചിത്രം നിര്‍മ്മിക്കുന്നത്. പ്രേക്ഷകരെ ആകാംക്ഷയുടെ മുള്‍മുനയില്‍ നിര്‍ത്തുന്ന ചിത്രത്തിന്‍റെ ട്രെയ്‌ലര്‍ സമൂഹ മാധ്യമത്തിൽ ചർച്ചാ വിഷയമായി മാറിയിരുന്നു.
Read Also: ആന്റണി വര്ഗീസിന്റെ ആദ്യ ബിഗ് ബജറ്റ് ചിത്രം; ‘അജഗജാന്തരം’ മെയ് 28 ന് റീലീസ് ചെയ്യുന്നു
ഫഹദ് ഫാസിലിന് പുറമെ സൗബിന്‍ ഷാഹിര്‍, ദര്‍ശന രാജേന്ദ്രന്‍ എന്നിവരടക്കം മൂന്ന് കഥാപാത്രങ്ങള്‍ മാത്രമാണ് ചിത്രത്തിലുള്ളത്. ജോമോന്‍ ടി ജോണ്‍ ഛായാഗ്രഹണം നിര്‍വ്വഹിക്കുന്നു. സീ യൂ സൂണിന് ശേഷം ഫഹദിന്റെ രണ്ടാമത്തെ ഒ.ടി.ടി. റിലീസ് ചിത്രമാണ് ഇരുള്‍. സീ യൂ സൂണിന് മികച്ച പ്രതികരണമായിരുന്നു ലഭിച്ചത്.
Post Your Comments