സിനിമയില്‍ താന്‍ വാങ്ങിയ പ്രതിഫലം അന്നത്തെ സൂപ്പര്‍ താരങ്ങളേക്കാള്‍ മുകളിലായിരുന്നുവെന്നും ആ പണമൊക്കെ താന്‍ നിലം വാങ്ങാന്‍ വേണ്ടിയാണു വിനിയോഗിച്ചതെന്നും നടി ഷീല പറയുന്നു. സിനിമയില്‍ നിന്ന് വന്‍ പ്രതിഫലം ലഭിച്ചപ്പോള്‍ ബിസനസ് ചെയ്യാന്‍ അറിയാത്ത താന്‍ ഊട്ടിയിലും, കോയമ്പത്തൂരിലുമായി ഒരുപാട് ലാന്‍ഡുകള്‍ സ്വന്തമാക്കിയെന്നും ഒരു ടിവി ചാനലിലെ അഭിമുഖ പരിപാടിയില്‍ സംസാരിക്കവേ ഷീല തുറന്നു പറയുന്നു.
നടി ഷീലയുടെ വാക്കുകള്‍
“അന്നത്തെ സൂപ്പര്‍ താരങ്ങളേക്കാള്‍ പ്രതിഫലം വാങ്ങിയ നായിക ആയിരുന്നു ഞാന്‍. അന്ന് ആ പൈസ വച്ച് ബിസിനസ്സ് ചെയ്യാന്‍ ഒന്നും അറിയില്ല. അതുകൊണ്ട് നിലങ്ങളായി വാങ്ങിച്ചു. സിനിമ സമ്പാദ്യം വച്ച് ലാന്‍ഡുകളാണ് ഞാന്‍ കൂടുതലും വാങ്ങിയത്. ഊട്ടി, കോയമ്പത്തൂര്‍ എന്നിവടങ്ങളിലെല്ലാം അങ്ങനെ വാങ്ങിച്ചിട്ടു. കിട്ടിയതൊന്നും നശിപ്പിച്ചിട്ടില്ല. ഞാന്‍ വളരെ കരുതി ചെലവ് ചെയ്യുന്ന ഒരാളാണ്, കാരണം ഞാന്‍ ഒരുപാട് കഷ്ടപ്പെട്ടാണ്‌ ധനം സമ്പാദിച്ചത്. അന്നൊക്കെ ഒരു ആയിരം രൂപ എന്ന് പറയുന്നത് എനിക്ക് വലിയ കാര്യമാണ്. എനിക്ക് ആഭരണങ്ങള്‍ ഒന്നും വലിയ ഇഷ്ടമല്ല. തുണികളാണ് ഞാന്‍ ഏറ്റവും കൂടുതല്‍ വാങ്ങിക്കുന്നത്. പിന്നെ ഞാന്‍ പെയിന്റിംഗ്സിന് വേണ്ടി ഒരുപാട് പണം ചെലവാക്കും. നല്ല പെയിന്‍റ്, അത് വരയ്ക്കാനുള്ള കൂടിയ ബ്രഷുകള്‍, ഇതിനൊക്കെ ഞാന്‍ ഒരുപാട് പണം ചെലവാക്കും”. ഷീല പറയുന്നു.
Post Your Comments