നസീഫ് യൂസഫ് ഇസുദ്ധീന്‍ സംവിധാനം ചെയ്യുന്ന ഇരുൾ നെറ്റ്ഫ്ലിക്സ് റിലീസിന്. ഫഹദ് ഫാസില്‍, സൗബിന്‍ ഷാഹിര്‍, ദര്‍ശന രാജേന്ദ്രന്‍ എന്നിവര്‍ കഥാപാത്രങ്ങളായെത്തുന്ന ചിത്രം ഏപ്രിൽ രണ്ടിന് റിലീസ് ചെയ്യും. ഇരുളിന്റെ ട്രെയ്‌ലര്‍ പുറത്തിറങ്ങിയിട്ടുണ്ട്. മൂന്ന് പേര്‍ മാത്രമുള്ള ചിത്രത്തിന്റെ ട്രെയ്‌ലര്‍ ഏറെ ഭീതിജനകമാണെന്നാണ് പ്രേക്ഷകർ അഭിപ്രായപ്പെടുന്നു.
Also Read:കിഷോർ സത്യയെ OLXൽ വിൽക്കാൻ വെച്ചിരിക്കുന്നു, വെറും 9000 രൂപ!
മലയാളത്തിലെ മികച്ച സൈക്കോ ത്രില്ലറായിരിക്കാം ഇരുള്‍ എന്നാണ് ട്രെയ്‌ലറിന് പിന്നാലെ വരുന്ന പ്രതികരണങ്ങള്‍. വര്‍ഷങ്ങള്‍ക്ക് മുന്‍പ് ഒരാള്‍ നടത്തിയ കൊലപാതകങ്ങളെ ആസ്പദമാക്കി ഒരാള്‍ എഴുതുന്ന നോവലും അതിനെ തുടര്‍ന്ന് നടക്കുന്ന ചില സംഭവങ്ങളുമാണ് ചിത്രത്തിലുള്ളത്. സ്ത്രീകളോടുള്ള പകയാണ് കൊലപാതകത്തിന്‍റെ കാരണമെന്നും ട്രെയ്‌ലറില്‍ പറയുന്നു.
ട്രെയ്‌ലര്‍ കണ്ടാണോ അതോ ഫഹദിനെ കണ്ടാണോ നമ്മുടെ ഹൃദയമിടിപ്പ് കൂടുന്നത്? എന്ന ക്യാപ്ഷനോടെയാണ് നെറ്റ്ഫ്‌ളിക്‌സ് ട്രെയ്‌ലര്‍ റിലീസ് ചെയ്തിരിക്കുന്നത്. സീ യു സൂണിന് ശേഷം ഫഹദും ദര്‍ശനയും ഒന്നിക്കുന്ന ചിത്രമാണ് ഇരുള്‍. ആന്റോ ജോസഫ് ഫിലിം കമ്പനിയുടെയും പ്ലാന്‍ ജെ സ്റ്റുഡിയോസിന്റെയും ബാനറില്‍ ആന്റോ ജോസഫ്, ജോമോന്‍ ടി ജോണ്‍ ഷമീര്‍ മുഹമ്മദ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
Post Your Comments