മമ്മൂട്ടിയെ നോക്കിയിരുന്ന് നിഖില വിമൽ ; എന്തൊരു നോട്ടമാണ് ഇതെന്ന് സോഷ്യൽ മീഡിയ, ട്രോളുമായി ഐശ്വര്യ ലക്ഷ്മിയും

വ്യാഴാഴ്ച റിലീസ് ചെയ്ത മമ്മൂട്ടി ചിത്രം ദി പ്രീസ്റ്റ് ഗംഭീര വിജയം നേടി മുന്നേറിക്കൊണ്ടിരിക്കുകയാണ്. കഴിഞ്ഞ ദിവസം സിനിമയുടെ വിജയാഘോഷത്തിന്റെ ഭാഗമായി നടൻ മമ്മൂട്ടിയും ചിത്രത്തിലെ പ്രധാന കഥാപാത്രങ്ങളും പത്രസമ്മേളനത്തിൽ പങ്കെടുത്തിരുന്നു. ഇതിന്റെ ചിത്രങ്ങളും വീഡിയോകളുമെല്ലാം സോഷ്യൽ മീഡിയയിൽ ഉൾപ്പെടെ നിറഞ്ഞു നിന്നിരുന്നു. ഇപ്പോഴിതാ പത്രസമ്മേളനത്തിനിടെ മമ്മൂട്ടിയെ തന്നെ നോക്കിയിരിക്കുന്ന നിഖില വിമലിന്റെ ഒരു ചിത്രമാണ് വൈറലായി കൊണ്ടിരിക്കുന്നത്.

https://www.instagram.com/p/CMUa1zcgrYn/?utm_source=ig_web_copy_link

ചിത്രം ശ്രദ്ധിക്കപ്പെട്ടതോടെ ട്രോളുകളും സോഷ്യൽ മീഡിയയിൽ നിറയുകയാണ്. നിഖിലയുടെ സുഹൃത്തും നടിയുമായ ഐശ്വര്യ ലക്ഷ്മിയും ഇൻസ്റ്റഗ്രാം സ്റ്റോറിയിൽ രസകരമായൊരു ട്രോൾ പങ്കുവച്ചിട്ടുണ്ട്.

സെക്കൻഡ് ഷോ അനുവദിച്ചതിനു പിന്നാലെ ഹൊറർ- മിസ്റ്ററി ത്രില്ലറായ ‘ദി പ്രീസ്റ്റ്’ മാർച്ച് 11നാണ് തിയേറ്ററിലെത്തിയത്. മികച്ച പ്രതികരണമാണ് ചിത്രം നേടുന്നത്. നവാഗതനായ ജോഫിൻ ടി ചാക്കോ കഥയെഴുതി സംവിധാനം ചെയ്ത ചിത്രത്തിൽ ശ്രദ്ധേയമായൊരു കഥാപാത്രത്തെയാണ് നിഖില വിമൽ അവതരിപ്പിക്കുന്നത്. മഞ്ജു വാര്യരും മമ്മൂട്ടിയും ആദ്യമായി ഒന്നിക്കുന്നുവെന്നതാണ് ചിത്രത്തിന്റെ മറ്റൊരു പ്രത്യേകത.