മമ്മൂട്ടിയുടെ ബിഗ് ബജറ്റ് ചിത്രം ‘ദി പ്രീസ്റ്റ്’ വ്യാഴാച തിയറ്ററിലെത്തും. കൊവിഡ് പ്രതിസന്ധിക്കൾക്കിടയിൽ ചിത്രീകരണം പൂർത്തിയാക്കിയ സിനിമയെ പ്രേക്ഷകർ ഇരു കയ്യും നീട്ടി സ്വീകരിക്കണമെന്ന് മമ്മൂട്ടിയും മഞ്ജു വാര്യരും കൊച്ചിയിൽ നടന്ന വാർത്ത സമ്മേളനത്തിൽ പറഞ്ഞു.
കേരളത്തിലെ 225 സ്ക്രീനുകളിലാണ് മറ്റനാൾ റിലീസ് ചെയ്യുന്നത്. മമ്മൂട്ടിയും മഞ്ജു വാര്യരും ആദ്യമായി ഒരുമിച്ചെത്തുന്ന ചിത്രം കൂടിയാണ് ദ പ്രീസ്റ്റ്. അതേസമയം മമ്മൂട്ടിക്കൊപ്പം അഭിനയിക്കാനയതിലുള്ള സന്തോഷം നടി മഞ്ജുവാര്യർ പങ്കുവെച്ചു.
സെക്കന്‍റ് ഷോ അനുവദിച്ചതോടെ തിയേറ്ററുകളിലേക്ക് കൂടുതൽ പ്രേക്ഷകരെത്തുമെന്നാണ് പ്രതീക്ഷയെന്ന് നിർമാതാക്കളായ ആന്‍റോ ജോസഫും ബി. ഉണ്ണികൃഷ്ണനും പറഞ്ഞു. നവാഗതനായ ജോഫിന്‍.ടി.ചാക്കോയാണ് സിനിമ സംവിധാനം ചെയ്തിരിക്കുന്നത്. ബേബി മോണിക്ക, നിഖില വിമല്‍, ശ്രീനാഥ് ഭാസി, മധുപാല്‍, ജഗദീഷ്, എന്നിവരാണ് സിനിമയിലെ മറ്റ് താരങ്ങൾ
Post Your Comments