പൊതു വഴിയിൽവെച്ച് ബോളിവുഡ് നടൻ അജയ് ദേവ്ഗണിന്റെ കാർ തടഞ്ഞ് ചോദ്യം ചെയ്ത് യുവാവ്. കേന്ദ്ര സർക്കാരിന്റെ പുതിയ കാർഷിക ബില്ലിനെതിരെ പ്രതികരിക്കാത്തതിൽ പ്രതിഷേധിച്ചായിരുന്നു യുവാവിന്റെ അക്രമം. ഗോരേഗാവിലെ ഫിലിം സിറ്റിയില്‍ വെച്ചായിരുന്നു സംഭവം.
അജയ് ദേവ്ഗണിന്റെ കാർ തടഞ്ഞ് എന്തുകൊണ്ടാണ് കര്‍ഷക സമരത്തില്‍ അഭിപ്രായം വ്യക്തമാക്കാത്തെന്ന് അജയ് ദേവഗണ്ണിനോട് ചോദിക്കുകയാണ് യുവാവ് ചെയ്തത്. തുടർന്ന് പഞ്ചാബ് സ്വദേശിയായ രജദീപിനെ പൊലീസ് അറസ്റ്റ് ചെയ്തു.
ഡൽഹിയിൽ കര്‍ഷക സമരം ചെയ്യുന്ന ഭൂരിഭാഗം കര്‍ഷകരും പഞ്ചാബില്‍ നിന്ന് ഉള്ളവരാണ്. അതിനാലായിരിക്കാം രജദീപ് ഇത്തരത്തിലുള്ള ഒരു പ്രവൃത്തി ചെയ്തതെന്നാണ് പൊലീസ് പറയുന്നത്. അനാവശ്യമായുള്ള തടഞ്ഞുവെക്കല്‍, മനപ്പൂര്‍വ്വം അപമാനിക്കാനും, സമാധാനം തകര്‍ക്കാനുമുള്ള ശ്രമം, ഭയപ്പെട്ടുത്താനുള്ള ശ്രമം എന്നീ കുറ്റങ്ങളാണ് രജദീപിനുമേല്‍ ചുമത്തിയിരിക്കുന്നത്.
Post Your Comments