കാജൽ അഗർവാളും വിഷ്ണു മാഞ്ചുവും പ്രധാന വേഷത്തിലെത്തുന്ന തെലുങ്ക് ചിത്രമാണ് ‘മൊസഗല്ലു’. തമിഴിലും കന്നടയിലും ഹിന്ദിയിലുമായി പുറത്തിറക്കുന്ന ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ടു. അനു&അർജുൻ എന്നാണ് മറ്റുഭാഷകളിൽ ചിത്രത്തിന് നൽകിയിരിക്കുന്ന പേര്. അർജുൻ ആന്റ് അനു എന്ന പേരിൽ മലയാളത്തിലും ചിത്രം റിലീസ് ചെയ്യും.
കാജൽ അഗർവാളും വിഷ്ണു മാഞ്ചുവും ബോളിവുഡ് താരം സുനിൽ ഷെട്ടിയുമാണ് ചിത്രത്തിന്റെ പുതിയ പോസ്റ്ററിലുള്ളത്.
അമേരിക്കൻ സംവിധായകൻ ജെഫ്രി ചിൻ ഒരുക്കുന്ന ചിത്രം അമേരിക്കയിൽ നടന്ന കുപ്രസിദ്ധ ഐ.ടി തട്ടിപ്പിനെ കുറിച്ചാണ് പറയുന്നത്. യഥാർത്ഥ സംഭവങ്ങളെ അടിസ്ഥാനമാക്കിയാണ് ചിത്രത്തിന്റെ കഥയൊരുക്കിയിരിക്കുന്നത്.
കാജൽ അഗർവാളും വിഷ്ണുവും തട്ടിപ്പുകാരമായെത്തുമ്പോൾ അന്വേഷണ ഉദ്യോഗസ്ഥനായാണ് സുനിൽ ഷെട്ടിയെത്തുന്നത്. വിഷ്ണു തന്നെയാണ് ചിത്രം നിർമ്മിച്ചിരിക്കുന്നത്. പാൻ ഇന്ത്യ റിലീസിനൊരുങ്ങുന്ന ചിത്രം മാർച്ച് 18നാണ് തിയേറ്ററുകളിലെത്തുന്നത്.
Post Your Comments