ദിവ്യദർശൻ നായകനാകുന്ന പുതിയ ചിത്രമാണ് ‘സ്വപ്നങ്ങൾക്കപ്പുറം’. യുവതാരങ്ങളായ ഷൈൻ ടോം ചാക്കോയും അന്ന രേഷ്മ രാജനും ചേർന്നാണ് ചിത്രത്തിൻ്റെ പോസ്റ്റർ പുറത്ത് വിട്ടുകൊണ്ട് ചിത്രം പ്രഖ്യാപിച്ചത്. ജീവിതത്തിന് പ്രതീക്ഷയുടെ ജാലകം നൽകുന്ന സ്വപ്നങ്ങൾക്ക് അപ്പുറത്തുള്ള കാഴ്ചകളാണ് ചിത്രം പറയുന്നത്.
പി ആൻ്റ് ജി സിനിമാസിന്റെ ബാനറിൽ പ്രേം ആർ നമ്പ്യാരാണ് ഈ ചിത്രം സംവിധാനം ചെയ്തിരിക്കുന്നത്. കഥ, തിരക്കഥ, സംഭാഷണം, ഗാനരചന എന്നിവ നിർവഹിക്കുന്നത് എൻ കെ ഭാസ്കരൻ ആണ്. ചിത്രം നിർമ്മിക്കുന്നതും എൻ. കെ ഭാസ്ക്കരൻ പയ്യന്നൂർ ആണ്.
ചായാഗ്രഹണം ഷാജി ജേക്കബ്. എഡിറ്റിംഗ് അനന്തു. സംഗീതം പ്രേംകുമാർ മുംബൈ. കലാസംവിധാനം ബാലൻ കൈതപ്പുറം. പ്രൊഡക്ഷൻ കൺട്രോളർ റിയാസ് മുഹമ്മദ്. വസ്ത്രാലങ്കാരം.ബാലൻ മട്ടന്നൂർ. മേക്കപ്പ് പുനലൂർ രവി. കൊറിയോഗ്രാഫർ ഇന്ത്യാസ് അബൂബക്കർ.സ്റ്റിൽസ് സുധി കെ സഞ്ജു. ഡിസൈൻസ് സജീഷ് എം ഡിസൈൻസ്. പി ആർ ഓ എം കെ ഷെജിൻ ആലപ്പുഴ. ദിവ്യദർശൻ, ഇബ്രാഹിംകുട്ടി, സന്തോഷ് കീഴാറ്റൂർ, സീമ ജി നായർ, തങ്കച്ചൻ, സന്തോഷ് കോമഡി സ്റ്റാർ, ശിവദാസൻ മട്ടന്നൂർ, പ്രേംരാജ്, എൻ. കെ ഭാസ്കരൻ,സുമേഷ് തമ്പി. പ്രിയ, ഉഷ പയ്യന്നൂർ തുടങ്ങിയവരാണ് ചിത്രത്തിലെ മറ്റു താരങ്ങൾ.
നടൻ മുകേഷിന്റെ സഹോദരി പുത്രനായ ദിവ്യ ദർശൻ ഹൈഡ് ആന്റ് സീക്ക് എന്ന ചിത്രത്തിലൂടെയാണ് അഭിനയ രംഗത്ത് എത്തുന്നത്. കാരണവർ,മിസ്റ്റർ ബീൻ, ടീൻസ് എന്നീ ചിത്രങ്ങളിലും നായകനായി അഭിനയിച്ചു. കൂട്ടത്തിൽ ഒരാൾ, രമേശൻ ഒരു പേരല്ല, ലോ‌ഡ് ലിവിങ്സ്റ്റൺ 7000 കണ്ടി, എന്നിവയാണ് മറ്റു ചിത്രങ്ങളിൽ. മമ്മൂട്ടിയോടൊപ്പം മാസ്റ്റർ പീസിലാണ് ഒടുവിൽ അഭിനയിച്ച ചിത്രം.
Post Your Comments