ജന്മനാട്ടിൽ ആധുനികവത്ക്കരണവുമായി റസൂല്‍ പൂക്കുട്ടി

കൊല്ലം അഞ്ചല്‍ ഹെൽത്ത് ബ്ലോക്കിലെ 33 ആരോഗ്യ സ്ഥാപനങ്ങളെ ഓസ്‌കാർ അവാർഡ് ജേതാവ് റസൂല്‍ പൂക്കുട്ടിയുടെ നേതൃത്വത്തിലുള്ള “റസൂല്‍ പൂക്കുട്ടി ഫൗണ്ടേഷന്‍” ആധുനികവത്ക്കരിക്കുന്നു. 28 സബ് സെൻറ്ററുകള്‍, 4 പ്രാഥമികാരോഗ്യ കേന്ദ്രങ്ങള്‍, 1 സാമൂഹികാരോഗ്യ കേന്ദ്രം എന്നിവയാണ് ആധുനികവത്ക്കരിച്ച് വിപുലമായ സൗകര്യങ്ങള്‍ ലഭ്യമാക്കുന്നത്.

Read Also: ഒടിടി പ്ലാറ്റുഫോമുകളുടെ നിയന്ത്രണം ; കേന്ദ്രസര്‍ക്കാര്‍ മാര്‍ഗനിർദേശം ഇന്ന് പുറത്തിറക്കും

ഈ ആരോഗ്യ സ്ഥാപനങ്ങളെ ഒരു കുടക്കീഴില്‍ കൊണ്ടുവരികയും നാട്ടുകാർക്ക് വിദഗ്ധ ചികിത്സ ഉറപ്പാക്കുകയുമാണ് ഈ ഓസ്കാർ ജേതാവിന്‍റെ ലക്ഷ്യം. ഇതു സംബന്ധിച്ച എം.ഒ.യുവില്‍ ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി ഡോ. രാജന്‍ എന്‍. ഖോബ്രഗഡെയും റസൂല്‍ പൂക്കുട്ടിയും ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ സാന്നിധ്യത്തില്‍ ഒപ്പുവച്ചു.

Read Also: ഷാരൂഖ് ഖാനും സൽമാൻ ഖാനും ഒന്നിക്കുന്നു ; ചിത്രീകരണം നാളെ ആരംഭിക്കും

പൊതുജനങ്ങള്‍ക്ക് മികച്ച ആരോഗ്യ പരിപാലന സംവിധാനവും ഗ്രാമീണ മേഖലയിലെ ദരിദ്രരായ കുട്ടികള്‍ക്ക് ലോകോത്തര നിലവാരമുള്ള വിദ്യാഭ്യാസ സൗകര്യവും ഒരുക്കുകയാണ് ഫൗണ്ടേഷന്‍റെ ലക്ഷ്യമെന്ന് റസൂല്‍ പൂക്കുട്ടി പറഞ്ഞു. നേരത്തെ ഡയബറ്റിക്സ് കണ്ടുപിടിച്ച് ചികിത്സിച്ചിരുന്നെങ്കില്‍ 63-ാം വയസില്‍ തന്‍റെ മാതാവിനെ നഷ്ടമാവില്ലായിരുന്നുവെന്നും അദ്ദേഹം പറഞ്ഞു. ആ ഒരു വേദനയാണ് തന്‍റെ ഗ്രാമത്തില്‍ ഇത്തരമൊരു പദ്ധതിയുമായി രംഗത്തെത്താന്‍ റസൂല്‍ പൂക്കുട്ടിയെ പ്രേരിപ്പിച്ചത്.

Read Also: അമ്മയ്ക്ക് ബാധയെന്ന് മകൻ ; ഇങ്ങനെയൊരു മകനുള്ളപ്പോൾ ശത്രുക്കൾ വേറെയെന്തിന് ? അക്ഷയ്കുമാറിന്റെ ഭാര്യ

താന്‍ പഠിച്ചത് സര്‍ക്കാര്‍ സ്ഥാപനങ്ങളിലാണ്. 10 വയസുള്ളപ്പോള്‍ മരണക്കയത്തില്‍ നിന്നും തന്നെ രക്ഷിച്ചത് തിരുവനന്തപുരം മെഡിക്കല്‍ കോളേജിലെ ഡോക്ടര്‍മാരാണ്. അതിനാല്‍ തന്നെയാണ് സര്‍ക്കാര്‍ സ്ഥാപനങ്ങളെ ആധുനികവത്ക്കരിക്കാന്‍ തീരുമാനിച്ചതെന്നും റസൂല്‍ പൂക്കുട്ടി കൂട്ടിച്ചേര്‍ത്തു.