കല്യാണ തലേന്ന് പ്രതിശ്രുത വധുവിന്റെ വീട്ടിൽ കുടുങ്ങിപ്പോയ വരൻ ; രസകരമായ കഥയുമായി ‘വൂൾഫ്’

ഷൈൻ ടോംചാക്കോയും അർജുൻ അശോകൻ സംയുക്ത മേനോൻ തുടനിയവർ പ്രധാന കഥാപാത്രങ്ങളായെത്തുന്ന ചിത്രമാണ് ‘വൂൾഫ്’. കുറച്ചു നേരം സംസാരിച്ചിരുന്നിട്ട് പോകാമെന്നു കരുതി കെട്ടാൻ പോകുന്ന പെണ്ണിന്റെ വീട്ടിൽ എത്തിയ വരൻ ലോക്ഡൗൺ പ്രഖ്യാപിക്കുന്നതോടെ മടങ്ങി പോകാനാകാതെ വീട്ടിൽ കുടുങ്ങി പോകുന്ന രസകരമായ കഥയാണ് ‘വൂൾഫ്’ പറയുന്നത്.

ഒരു കുറുക്കന്റെ കൗശലത്തോടെ അപ്രതീക്ഷിത സംഭവങ്ങളിലേക്കും സസ്പെൻസുകളിലേക്കും നീങ്ങുകയാണ്. മലയാളത്തിൽ ഇതുവരെ ആരും പറയാത്ത കഥ. ആരും പറയാത്ത വിധത്തിൽ കഥകൾ പറയുന്ന കഥാകൃത്ത് ഇന്ദുഗോപന്റെ പ്രതിഭാവിലാസത്തിൽ വിരിയുന്നതാണ് വൂൾഫ് സിനിമ.

സംയുക്ത മേനോനാണ് കല്യാണപ്പെണ്ണ്. ഷൈൻ ടോംചാക്കോയും അർജുൻ അശോകനും ജാഫർ ഇടുക്കിയും ഇർഷാദ് അലിയും ആൺ മറ്റു പ്രധാന കഥാപാത്രങ്ങൾ. ഷാജി അസീസ് സംവിധാനവും രഞ്ജിൻ രാജ് സംഗീതവും. ലങ്കയും ചന്ദ്രോൽസവും കുരുക്ഷേത്രയും മറ്റും നിർമ്മിച്ച ദാമർ ഫിലിംസിന്റെ സന്തോഷ് ദാമോദരൻ നിർമ്മാതാവ്.