പ്രേക്ഷകർക്ക് നന്ദി അർപ്പിച്ച് ‌ലാലേട്ടൻ

ദൃശ്യം 2ന് ലഭിക്കുന്ന മികച്ച പ്രേക്ഷക പിന്തുണയ്ക്ക് നന്ദി പറഞ്ഞ് സൂപ്പർ സ്റ്റാർ മോഹന്‍ലാൽ. ഒടിടി പ്ലാറ്റ്ഫോമായ ആമസോണ്‍ പ്രൈമിലൂടെ പുറത്ത് വിട്ട ചിത്രത്തിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. തന്‍റെ ചിത്രത്തിന് ലഭിച്ച വരവേൽപ്പിനും പിന്തുണയ്ക്കും നന്ദി അറിയിച്ചു കൊണ്ടാണ് ഫേസ്ബുക്കിലൂടെ ലാലേട്ടൻ ഇപ്പോൾ പ്രതികരിച്ചിരിക്കുന്നത്. ആരാധകരുടെ അകമഴിഞ്ഞ സ്നേഹത്തിന് നന്ദി അറിയിച്ച താരം ഈ സ്നേഹവും പിന്തുണയുമാണ് കൂടുതൽ മികച്ചതാകാൻ തനിക്ക് പ്രചോദനം നൽകുന്നതെന്നും ഫേസ്ബുക്കില്‍ കുറിച്ചു.

Read Also: പുതിയ ഫാഷൻ വസ്ത്രവുമായി മലൈക അറോറ; ശ്രദ്ധ നേടി ചിത്രങ്ങൾ

താരത്തിന്‍റെ പ്രതികരണം ഇങ്ങനെ:
“ദൃശ്യം 2ന് ലഭിക്കുന്ന അതിശയകരമായ പ്രതികരണത്തിൽ അതിയായ സന്തോഷം. നിങ്ങളിൽ പലരും ഇതിനകം തന്നെ സിനിമ കണ്ട്, വിളിച്ചും സന്ദേശങ്ങളായും അഭിനന്ദനം അറിയിച്ചു എന്നത് വളരെയേറെ സ്പർശിച്ച കാര്യം തന്നെയാണ്. നല്ല സിനിമകളെ ലോകമെമ്പാടുമുള്ള സിനിമാ പ്രേമികൾ എല്ലായ്പ്പോഴും അംഗീകരിക്കുകയും പിന്തുണയ്ക്കുകയും ചെയ്യുന്നു എന്നതിന് തെളിവാണ് ദൃശ്യം 2 ന്‍റെ വിജയം.

https://www.facebook.com/ActorMohanlal/posts/275171977309408

Read Also: ഇത് ആര്യനോ അതോ ഷാരൂഖോ? സംശയിച്ച് ആരാധകർ; സോഷ്യൽ മീഡിയയിൽ ചർച്ചകളുയരുന്നു…

സിനിമയെ സ്നേഹിക്കുന്ന പൊതുജനങ്ങളുടെ സ്നേഹവും പിന്തുണയുമാണ് നമ്മെത്തന്നെ നിരന്തരം മെച്ചപ്പെടുത്താൻ പ്രേരിപ്പിക്കുന്നത്. അകമഴിഞ്ഞ ഈ സ്നേഹത്തിന് നിങ്ങൾക്കെല്ലാവർക്കും എന്‍റെ ആത്മാർത്ഥമായ നന്ദി. എനിക്കും ദൃശ്യം ടീമിലെ എല്ലാവർക്കും ഇത് ഒരു വലിയ കാര്യം തന്നെയാണ്”. ചിത്രം പ്രദര്‍ശിപ്പിച്ച ആമസോണിനും ലാലേട്ടന്‍ നന്ദി പറഞ്ഞു.