നാല്‍പതാമത് ചിത്രവുമായി സൂര്യ ; സിനിമയിൽ വടിവേലുവും പ്രധാന വേഷത്തിലെത്തുന്നു

നടൻ സൂര്യയുടെ നാല്‍പതാമത് ചിത്രത്തിന്‍റെ പൂജ ഇന്നലെ ചെന്നൈയില്‍ ആരംഭിച്ചു. പാണ്ഡ്യരാജ് സവിധാനം ചെയ്യുന്ന ചിത്രത്തില്‍ സുപ്രധാന വേഷത്തില്‍ കൊമേഡിയന്‍ വടിവേലുവും എത്തുന്നുണ്ട്. 12 വര്‍ഷത്തിന് ശേഷമാണ് വടിവേലു സൂര്യയുമായി ഒന്നിക്കുന്നത്. 2009 ല്‍ പുറത്തിറങ്ങിയ ആദവനാണ് വടിവേലുവും സൂര്യയും ഏറ്റവും ഒടുവിലായി ഒന്നിച്ച ചിത്രം.

പ്രിയങ്ക മോഹനാണ് ചിത്രത്തില്‍ നായികയായി എത്തുന്നത്. സത്യരാജാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. കോവിഡ് നെഗറ്റീവ് ആയതിനു ശേഷം ക്വാറന്റൈൻ പിരീഡ് കഴിഞ്ഞാല്‍ മാത്രമേ സൂര്യ ചിത്രത്തില്‍ ജോയിന്‍ ചെയ്യുകയുള്ളൂ.