ഷാജി കൈലാസ് – രണ്‍ജി പണിക്കര്‍ സിനിമകളിലൂടെ ശക്തമായ വില്ലന്‍ വേഷങ്ങള്‍ ചെയ്തു പ്രേക്ഷക മനസ്സില്‍ സ്ഥാനം നേടിയ വിജയ രാഘവന് ഷാജി കൈലാസ് എന്ന സംവിധായകനിലെ മികവിനെക്കുറിച്ച് ഒരു ടെലിവിഷന്‍ മാധ്യമത്തില്‍ തുറന്നു സംസാരിക്കുകയാണ്. ഏതു കാലത്തും ഷാജി കൈലാസ് എന്ന മികച്ച സംവിധായകന് ഹിറ്റ് സൃഷ്ടിക്കാന്‍ കഴിയുമെന്ന് അഭിപ്രായപ്പെടുകയാണ് വിജയ രാഘവന്.
“ഷാജി കൈലാസ് ഞാന്‍ കണ്ട മികച്ച ടെക്നീഷ്യന്മാരില്‍ ഒരാളാണ്. ഒരു മാസ് സിനിമയെ പ്രേക്ഷകര്‍ക്ക് ഇഷ്ടപ്പെടുത്താവുന്ന രീതിയില്‍ അവതരിപ്പിച്ച് ഹിറ്റുണ്ടാക്കനറിയാവുന്ന സംവിധായകനാണ്. ഞാന്‍ ഷാജിയുടെ ഒരുപാടു സിനിമകളില്‍ അഭിനയിച്ചിട്ടുണ്ട്. ഷാജി കൈലാസ് സിനിമകളുടെ കാലം കഴിഞ്ഞുവെന്നൊക്കെ പറയുന്നത് മണ്ടത്തരമാണ്. എപ്പോള്‍ വേണമെങ്കിലും വലിയൊരു ബോക്സ് ഓഫീസ് വിജയമുണ്ടാക്കാന്‍ മിടുക്കനായ സംവിധായകനാണ് അദ്ദേഹം. ഇന്നത്തെ മാസ് സിനിമകള്‍ ഷാജി കൈലാസ് ചെയ്തു വച്ചത്രയും മികച്ച സിനിമകള്‍ ഒന്നുമല്ല. അതിലും എത്രയോ മോശം സിനിമകളാണ് ഇവിടെ ഹിറ്റാകുന്നത്. മലയാള സിനിമയ്ക്ക് വലിയ വിജയങ്ങള്‍ സമ്മാനിച്ച ഷാജി കൈലാസ് എന്ന സംവിധായകന്റെ തട്ടു പൊളിപ്പന്‍ സിനിമകളുടെ കാലം കഴിഞ്ഞു എന്നൊക്കെ പറയുന്നത് ബുദ്ധി ശൂന്യമാണ്”. വിജയ രാഘവന് പറയുന്നു.
Post Your Comments