ജൂനിയര്‍ ചീരുവിനെ തേടി ആരാധികയുടെ സർപ്രൈസെത്തി

അന്തരിച്ച നടന്‍ ചിരഞ്ജീവി സര്‍ജയുടെയും നടി മേഘ്‌നയുടെയും മകന്‍ ജൂനിയര്‍ ചീരുവിന്‍റെ ഓരോ വിശേഷങ്ങളും മേഘ്‌ന സമൂഹമാധ്യമത്തിലൂടെ ആരാധകരുമായി പങ്കുവെക്കാറുണ്ടെങ്കിലും കുഞ്ഞിന്‍റെ ചിത്രങ്ങളൊന്നും ഇതുവരെ പുറത്തുവിട്ടിരുന്നില്ല. അവസാനം കുഞ്ഞിനെ കാണാന്‍ തയ്യാറായിരിക്കാന്‍ ആരാധകരോട് പറഞ്ഞുകൊണ്ട് കഴിഞ്ഞ ദിവസം മേഘ്‌ന സമൂഹമാധ്യമത്തില്‍ ഒരു കുറിപ്പ് പങ്കുവെച്ചിരുന്നു. പിന്നാലെ താരത്തെ ഞെട്ടിച്ചുകൊണ്ട് ചിരഞ്ജീവിയുടെ ഒരു കടുത്ത ആരാധികയുടെ പോസ്റ്റെത്തി.

Read Also: ഞാനും വിനീതും പരസ്പരം തലയിൽ കൈവച്ചു സത്യം ചെയ്തിട്ടാണ് ആ സിനിമ ചെയ്തത്: മനോജ്.കെ.ജയൻ

മേഘ്‌ന കുഞ്ഞുമായി നില്‍ക്കുന്ന ചിത്രത്തിന്‍റെ മുകളില്‍ ഫോട്ടോഷോപ്പ് വഴി ചിരഞ്ജീവിയുടെ ചിത്രം പതിപ്പിച്ചുകൊണ്ടാണ് ദിവ്യ എന്ന ആരാധിക കുഞ്ഞ് ചീരുവിന് സമ്മാനം നല്‍കിയിരിക്കുന്നത്. ഇന്‍സ്റ്റാഗ്രാമിലെ മനോഹരമായ ആ ചിത്രത്തില്‍ മേഘന ടാഗുചെയ്യുകയും പോസ്റ്റ് ലൈക്ക് ചെയ്യുകയും ചെയ്തു. “അച്ഛന്‍റെ സ്‌നേഹം എല്ലായ്‌പ്പോഴും ഒരു മകന്‍റെ ഹൃദയത്തില്‍ പതിക്കും” എന്ന് കുറിച്ചുകൊണ്ടാണ് ദിവ്യ പോസ്റ്റ് പങ്കുവെച്ചിരിക്കുന്നത്.

Read Also: തിയേറ്റർ ഉടമയായാൽ ഏതു സൂപ്പർ താരത്തിന്റെ സിനിമ പിടിക്കും : മാസ് മറുപടി നൽകി ബിജുമേനോൻ

കഴിഞ്ഞ വര്‍ഷം ജൂണിലായിരുന്നു ഹൃദയാഘാതത്തെ തുടര്‍ന്നുള്ള ചിരഞ്ജീവിയുടെ വേര്‍പ്പാട്. അധികം വൈകാതെ തന്നെ മേഘ്‌ന ഒരു ആണ്‍കുഞ്ഞിന് ജന്മം നല്‍കി. കുഞ്ഞിന്‍റെ ഓരോ വിശേഷങ്ങളും മേഘ്‌ന ആരാധകരുമായി പങ്കുവെക്കാറുണ്ട്. കഴിഞ്ഞ ദിവസം ഇന്‍സ്റ്റഗ്രാമിലൂടെ പങ്കുവെച്ച ഒരു വീഡിയോയില്‍ ചീരുവിന്‍റെയും തന്‍റെയും ചിത്രങ്ങളും ഒപ്പം കുഞ്ഞിന്‍റെ ശബ്ദവും ചേര്‍ത്ത് മേഘ്‌ന ഒരു കുറിപ്പ് പങ്കുവെച്ചിരുന്നു . “കുഞ്ഞിന്‍റെ ശബ്ദമാണ് നിങ്ങള്‍ കേട്ടത്. അവനെ നിങ്ങളെ കാണിക്കാന്‍ കാത്തിരിക്കുകയാണ് ഞാന്‍. ഫെബ്രുവരി പതിനാല് വരെ കാത്തിരിക്കൂ”- മേഘ്‌നയുടെ കുറിപ്പിൽ സൂചിപ്പിച്ചത്.

https://www.instagram.com/p/CLLVmeKFTHq/?utm_source=ig_embed