ബിഗ് ബോസ് സീസൺ മൂന്ന് ഫെബ്രുവരി 14ന് തുടങ്ങാനിരിക്കെ ആരൊക്കെയാവും മത്സരാർത്ഥികളെന്ന ആകാംക്ഷയിലാണ് പ്രേക്ഷകർ. നിരവധി താരങ്ങളുടെ പേരുകൾ ഉയർന്നു കേൾക്കുന്നുണ്ട്. ഇപ്പോഴിതാ കഴിഞ്ഞ സീസൺ ബിഗ് ബോസിൽ അവസാനം എത്തി പ്രേക്ഷക ശ്രദ്ധപിടിച്ചുപറ്റിയ അമൃത സുരേഷ്- അഭിരാമി സഹോദരിമാരും മത്സരിക്കുന്നുണ്ടെന്ന വാർത്തകളും പുറത്തുവരുന്നുണ്ട്. എന്നാൽ യഥാർത്ഥ വിശദീകരണവുമായി അഭിരാമി തന്നെ നേരിട്ടെത്തിയിരിക്കുകയാണ്. ഇ-ടൈംസിനോട് സംസാരിക്കവെയാണ് അഭിരാമി ബിഗ്‌ബോസിനെക്കുറിച്ചും ആരൊക്കെ മത്സരിക്കണമെന്നും തുറന്നു പറഞ്ഞത്.
സംവിധായകൻ ലിജോ ജോസ് പെല്ലിശ്ശേരിയും വിജയ് ബാബുവും ബിഗ് ബോസിൽ വരണമെന്നാണ് അഭിരാമി പറയുന്നത്. എൻറെ നല്ല സുഹൃത്തുക്കളുമാണ് ഇരുവരും. ഇവരിൽ ഒരാൾ ഒരു ആശയം ഫലിപ്പിക്കാൻ കഴിവുള്ളയാളും, മറ്റേയാൾ ആശയം പറയാനും.. ഇതാണ് എന്റെ ചിന്ത.. നിങ്ങൾ എങ്ങനെ ഇതിനെ എടുക്കുമെന്ന് അറിയില്ല, അത്തരം മത്സരാർത്ഥികളും ബിഗ് ബോസിൽ വേണമെന്ന് എനിക്ക് തോന്നുന്നുവെന്നും അഭിരാമി പറഞ്ഞു.
ഷോയിൽ പൂർണമായും പങ്കെടുക്കാൻ കഴിയാത്ത വലിയ നിർഭാഗ്യമുള്ളവരാണ് ഞങ്ങൾ. ഷോ പെട്ടെന്ന് നിർത്തേണ്ട സാഹചര്യം വന്നു. ബിഗ് ബോസിൽ ഇനിയും ക്ഷണിച്ചാൽ പോകുമെന്നും അഭിരാമി വ്യക്തമാക്കി.
Post Your Comments