‘രാധേശ്യാം’ ; വാലന്റൈൻസ് ദിനത്തിൽ പ്രഭാസിന്റെ പ്രണയചിത്രത്തിന്റെ ടീസർ പുറത്തുവിടും

പ്രഭാസിന്റെ ഏറ്റവും പുതിയ ചിത്രമാണ് ‘രാധേശ്യാം’. ഇപ്പോഴിതാ സിനിമയുടെ ടീസറുമായി ബന്ധപ്പെട്ട വിവരങ്ങളാണ് പുറത്തുവരുന്നത്. വാലന്റൈന്‍സ് ദിനത്തില്‍ ചിത്രത്തിന്റെ ടീസര്‍ പുറത്തിറക്കുമെന്നാണ് വിവരം. നടൻ പ്രഭാസ് തന്നെയാണ് ഔദ്യോഗികമായി ഇക്കാര്യം അറിയിച്ചിരിക്കുന്നത്. സിനിമയുടെ പോസ്റ്ററും താരം പങ്കുവെച്ചിട്ടുണ്ട്.

‘വരുന്ന വാലന്റൈന്‍സ് ദിനത്തില്‍ രാധേശ്യാമിന്റെ കാഴ്ചകളിലേക്ക് നിങ്ങളെ കൊണ്ട്പോകും’ എന്ന അടിക്കുറിപ്പിനോടൊപ്പമാണ് ചിത്രത്തിന്റെ പോസ്റ്റര്‍ പ്രഭാസ് പങ്കുവെച്ചത്. റൊമാന്റിക് ചിത്രമായ രാധേശ്യാമിൽ പൂജ ഹെഗ്ഡെയാണ് നായിക.

https://www.instagram.com/p/CLLTwDop3A9/?utm_source=ig_web_copy_link

ഇതരഭാഷകളില്‍ പുറത്തെത്തുന്ന രാധാ കൃഷ്ണ സംവിധാനം ചെയ്യുന്ന ചിത്രത്തിന്റെ നിര്‍മ്മാണം യുവി ക്രിയേഷന്‍സിന്റെ ബാനറില്‍ വംസിയും പ്രമോദും ചേര്‍ന്നാണ് നിര്‍വഹിക്കുന്നത്.