ഹോളിവുഡ് ചിത്രം ‘സാക്ക് സ്‌നൈഡേഴ്‌സ് ജസ്റ്റിസ് ലീഗിലെ’ ജോക്കറിന്റെ ഫസ്റ്റ് ലുക്ക് പുറത്തുവിട്ടു. സാക്ക് സ്‌നൈഡറുടെ സംവിധാനത്തിൽ പ്രമുഖ താരം ജേര്‍ഡ് ലെറ്റോയാണ് ചിത്രത്തില്‍ ജോക്കറായി എത്തുന്നത്. 2016ല്‍ സാക്ക് സംവിധാനം ചെയ്ത ‘സൂയിസൈഡ് സ്‌ക്വാഡ്’ എന്ന ചിത്രത്തിലും ജേര്‍ഡ് ജോക്കറായി എത്തിയിരുന്നു. സംവിധായകന്‍ തന്റെ ഔദ്യോഗിക ട്വിറ്റര്‍ പേജിലൂടെയാണ് ജോക്കറിന്റെ ഫസ്റ്റ് ലുക്ക് പുറത്തിവിട്ടത്.
ജസ്റ്റിസ് ലീഗിന്റെ രണ്ടാം പതിപ്പില്‍ ബ്ലാക്ക് & വൈറ്റ് ഫോട്ടോയിലൂടെയാണ് ജോക്കറിനെ പരിചയപ്പെടുത്തുന്നത്. 2017ലായിരുന്നു ജസ്റ്റിസ് ലീഗിന്റെ ഒന്നാം പതിപ്പ് പുറത്തിറങ്ങിയത്. എച്ച്.ബി.ഒ മാക്‌സിലൂടെ ഈ വര്‍ഷം മാര്‍ച്ചില്‍ തന്നെ ചിത്രം പുറത്തിറക്കാനാണ് തീരുമാനിച്ചിരിക്കുന്നത്. മാര്‍ച്ച് 18നാണ് റിലീസ് തീരുമാനിച്ചിരിക്കുന്നത്. സൂപ്പര്‍മാനായി ഹെന്റി കവില്‍, ബാറ്റ്മാനായി ബെന്‍ അഫ്‌ലെക് എന്നിവര്‍ ചിത്രത്തില്‍ അണിനിരക്കും.
Post Your Comments