സൂരിയെ കേന്ദ്രകഥാപാത്രമാക്കി വെട്രിമാരന്‍ സംവിധാനം ചെയ്യുന്ന സിനിമയില്‍ മുഖ്യ കഥാപാത്രമായി വിജയ് സേതുപതി എത്തും. ഇളയരാജയാണ് വെട്രിമാരന്‍ ചിത്രത്തിന് സംഗീതം ഒരുക്കുന്നത്. ഇളയരാജ എന്ന് പേരിട്ടിരിക്കുന്ന സ്റ്റുഡിയോയില്‍ നിന്ന് ആദ്യമായി ഒരുക്കുന്ന ഈണവും വെട്രിമാരന്‍ ചിത്രത്തിന് വേണ്ടിയാണ്. ഇളയരാജക്കൊപ്പം വെട്രിമാരനും സൂരിയും സ്റ്റുഡിയോയില്‍ നില്‍ക്കുന്ന ഫോട്ടോ അണിയറപ്രവര്‍ത്തകര്‍ പങ്കുവെച്ചിട്ടുണ്ട്.
സംവിധായകന്‍ ഭാരതീരാജയും ചിത്രത്തില്‍ പ്രധാന വേഷത്തിലെത്തുന്നു. ഈ ചിത്രത്തിന് ശേഷമായിരിക്കും വെട്രിമാരന്‍ സംവിധാനം ചെയ്യുന്ന ‘വാടിവാസല്‍’ എന്ന സിനിമയുടെ ചിത്രീകരണം. ജല്ലിക്കട്ട് പ്രമേയമാകുന്ന സൂര്യയാണ് സിനിമയില്‍ നായകനായി എത്തുന്നത്. സിനിമയില്‍ വ്യത്യസത്മായ ഗെറ്റപ്പിലാണ് സൂര്യ എത്തുന്നത്. തമിഴ് എഴുത്തുകാരനും മാധ്യമപ്രവര്‍ത്തകനുമായിരുന്ന സി എസ് ചെല്ലപ്പയുടെ വാടിവാസല്‍ എന്ന പ്രശസ്ത കൃതിയാണ് അതേ പേരില്‍ സിനിമയാക്കുന്നത്. ജി വി പ്രകാശ് കുമാറാണ് സംഗീത സംവിധാനം.
Post Your Comments