റോഷൻ ആൻഡ്രൂസിനൊപ്പം ദുൽഖർ സൽമാന്‍ ; പൂജയും സ്വിച്ച് ഓൺ കർമ്മവും കഴിഞ്ഞു

ദുൽഖറും റോഷൻ ആൻഡ്രൂസും ആദ്യമായി ഒരുമിക്കുന്നു. പുതിയ സിനിമയുടെ പൂജയും സ്വിച്ച് ഓൺ കർമ്മവും കഴിഞ്ഞ ദിവസം നടന്നു. സിനിമയ്ക്കായി തിരക്കഥയൊരുക്കുന്നത് ബോബി സഞ്ജയാണ്. വേഫറെർ ഫിലിംസിന്റെ ബാനറിൽ നിർമ്മിക്കുന്ന ചിത്രത്തിൽ
ബോളിവുഡ് താരവും മോഡലുമായ ഡയാന പെന്റിയാണ് നായിക.

മനോജ് കെ ജയൻ, അലൻസിയർ, ബിനു പപ്പു ,വിജയകുമാർ , ലക്ഷ്മി ഗോപാലസ്വാമി തുടങ്ങിയവർ മറ്റു പ്രധാന വേഷങ്ങളിൽ എത്തുന്നു. തെന്നിന്ത്യയിലെ പ്രശസ്ത സംഗീതജ്ഞൻ സന്തോഷ് നാരായണനാണ് ചിത്രത്തിന് വേണ്ടി സംഗീതമൊരുക്കുന്നത്. ഛായാഗ്രഹണം അസ്‍ലം പുരയിൽ,മേക്കപ്പ് സജി കൊരട്ടി, വസ്ത്രാലങ്കാരം സുജിത് സുധാകരൻ, ആർട്ട് , സിറിൽ കുരുവിള,സ്റ്റിൽസ് രോഹിത് ,പ്രൊഡക്‌ഷൻ കൺട്രോളർ സിദ്ധു പനയ്ക്കൽ, പിആർഒ മഞ്ജു ഗോപിനാഥ്.