ദുൽഖറിന്റെ കാര്യത്തിൽ നീ എന്തിനാ ഇടപെട്ടത് എന്നായിരുന്നു മമ്മുക്കയുടെ ചോദ്യം: സിദ്ധിഖ്

‘ഉസ്താദ് ഹോട്ടൽ’ എന്ന സിനിമയിൽ ദുൽഖർ സൽമാനും, സിദ്ധിഖും വാപ്പയും മകനുമായി മികച്ച അഭിനയ രസതന്ത്രമാണ് കാഴ്ചവച്ചത്. തന്റെ കരിയറിലെ ഏറ്റവും മികച്ച കഥാപാത്രമാണ് ഉസ്താദ് ഹോട്ടലിലെ ‘അബ്ദുൽ റസാഖ്’ എന്ന് പറയുന്ന സിദ്ധിഖ് ആ സിനിമയുമായി ബന്ധപ്പെട്ട ഒരു സംഭവത്തെക്കുറിച്ച് ഒരു സ്വകാര്യ എഫ്എം ചാനലിന് അനുവദിച്ച അഭിമുഖത്തിൽ വെളിപ്പെടുത്തുകയാണ്.

‘ഉസ്താദ് ഹോട്ടൽ’ എന്ന സിനിമയ്ക്കിടെ ദുൽഖർ അഭിനയിച്ച ഒരു ഭാഗം വീണ്ടും എടുക്കണമെന്ന് അതിന്റെ ക്യാമറമാൻ പറഞ്ഞപ്പോൾ ഞാൻ ഇടപെട്ടത് സത്യമാണ്. അത്ര നന്നായി അഭിനയിച്ച ഷോട്ട് എന്ത് കൊണ്ട് വീണ്ടും റീടേക്കിന് പോകണമെന്ന് ചോദിചിച്ചപ്പോൾ അതിൽ ചില കാര്യങ്ങളുണ്ട് സാറിനു പറഞ്ഞാൽ മനസിലാവില്ല എന്ന് പറഞ്ഞു. അങ്ങനെ എന്നെ മനസിലാക്കി തരാൻ കഴിയാത്ത സീൻ വീണ്ടും എടുക്കണ്ട എന്ന് ഞാൻ പറഞ്ഞു. വീണ്ടും റീടേക്കിന് പോയാൽ അഭിനയിക്കാൻ ഞാൻ ഇല്ലെന്നും അറിയിച്ചു.  പക്ഷെ ദുൽഖർ അഭിനയിച്ച ആ രംഗത്തിനു പിന്നെ ഒരു പ്രശ്നവും സിനിമ കണ്ട ആർക്കും തോന്നിയില്ല. അത് അത്ര നന്നായി ദുൽഖർ ചെയ്തു എന്ന് എനിക്ക് ഉറപ്പുണ്ടായിരുന്നു. ഈ കാര്യം മമ്മുക്ക അറിഞ്ഞപ്പോൾ എന്നെ വഴക്ക് പറയുകയാണ് ഉണ്ടായത്. “അവൻ കാര്യങ്ങൾ പഠിച്ചു വരട്ടെ, അങ്ങനെ റീടേക്കുകൾ എടുത്തല്ലേ ഓരോരുത്തരും വളർന്നു വരുന്നത് എന്നൊക്കെ മമ്മുക്ക പറഞ്ഞു. അവനെ വീണ്ടും ബുദ്ധിമുട്ടിക്കാതിരിക്കാൻ നീ എന്തിനാ അങ്ങനെ കയറി ഇടപെട്ടത്” എന്നൊക്കെയായിരുന്നു അതുമായി ബന്ധപ്പെട്ട മമ്മുക്കയുടെ കമന്റ്.