ആരാധകർ ഏറെ ആകാംഷയോടെ കാത്തിരിക്കുന്ന മോഹൻലാൽ ചിത്രമാണ് ”ആറാട്ട്”. സിനിമയുടെ ഊട്ടി ഷെഡ്യൂൾ പൂർത്തിയാക്കിയ റിപ്പോർട്ടാണ് പുറത്തുവരുന്നത്. സിനിമയിലെ ഒരു ഗാനരംഗത്തിന്റെ ചിത്രീകരണത്തിനായാണ് ഊട്ടിയിൽ സംഘം എത്തിയത്. ഇപ്പോൾ ക്ലൈമാക്സ് ചിത്രീകരണത്തിനായി മോഹൻലാൽ കൊച്ചിയിലെത്തി എന്നാണ് റിപ്പോർട്ട്.
ഒരാഴ്ച കൊണ്ട് ചിത്രം പൂർത്തിയാക്കി മോഹൻലാൽ അടുത്ത സിനിമയിലേക്കു കടക്കും. നെയ്യാറ്റിൻകര ഗോപൻ എന്ന കഥാപാത്രമായാണ് ‘ആറാട്ടി’ൽ മോഹൻലാൽ എത്തുന്നത്.
ബി.ഉണ്ണിക്കൃഷ്ണൻ സംവിധാനം ചെയ്യുന്ന ചിത്രത്തിന്റെ രചന നിർവഹിക്കുന്നത് ഉദയകൃഷ്ണയാണ്. ശ്രദ്ധ ശ്രീനാഥാണു നായിക. നെടുമുടി വേണു, സായ്കുമാർ, സിദ്ദിഖ്, വിജയരാഘവൻ, ജോണി ആന്റണി, ഇന്ദ്രൻസ്, രാഘവൻ, നന്ദു, ബിജു പപ്പൻ, ഷീല, സ്വാസിക, മാളവിക, രചന നാരായണൻകുട്ടി തുടങ്ങിയവരാണ് മറ്റു താരങ്ങൾ. ക്യാമറ: വിജയ് ഉലകനാഥ്, എഡിറ്റർ: സമീർ മുഹമ്മദ്. സംഗീതം: രാഹുൽ രാജ്.
Post Your Comments