ചർച്ചാവിഷയമായി മലയാളത്തിൻറ്റെ ചോക്ലേറ്റ് ഹീറോയുടെ ഫേസ്ബുക് പോസ്റ്റ്

മലയാളികളുടെ സ്വന്തം ചോക്ലേറ്റ് ഹീറോ കുഞ്ചാക്കോ ബോബൻ സമൂഹ മാധ്യമത്തിൽ ശ്രദ്ധേയ സാന്നിധ്യമാണ്. തൻറ്റെ കരിയറിലെ എല്ലാ വിശേഷങ്ങളും സിനിമാ അപ്ഡേറ്റുകളും കുടുംബവിശേഷങ്ങളുമൊക്കെ ആരാധകരുമായി പങ്കുവെക്കാറുമുണ്ട്. ഇപ്പോഴിതാ താരം പങ്കുവെച്ച പുത്തൻ ചിത്രവും ക്യാപ്ഷനുമാണ് ആരാധകർ ഏറ്റെടുത്തിരിക്കുന്നത്. നടൻറ്റെ അൻവർ ഹുസൈൻ ലുക്കാണോ ഇതെന്നും ആറാം പാതിരായ്ക്ക് തുടക്കമായോ എന്നുമൊക്കെയാണ് ആരാധകരുടെ ചോദ്യങ്ങൾ. കമൻറ്റ് ബോക്സ് ആരാധകരുടെ ചോദ്യപ്രവാഹം കൊണ്ട് മൂടുകയാണ്.

https://www.facebook.com/KunchackoBoban/posts/1867182660100863

ചാക്കോച്ചൻറ്റെ ഹിറ്റ് ചിത്രമായ അഞ്ചാം പാതിരായുടെ റിലീസ് വാർഷികത്തിൽ സംവിധായകൻ മിഥുൻ മാനുവേൽ തോമസ് ‘ആറാംപാതിരാ’ പ്രഖ്യാപിച്ചിരുന്നു. ചിത്രത്തിൽ കുഞ്ചാക്കോ ബോബൻ അവതരിപ്പിക്കുന്ന കഥാപാത്രത്തിൻറ്റെ ലുക്ക് ഏറെ ശ്രദ്ധ നേടിയിരുന്നു. ഇപ്പോഴിതാ അതേ ലുക്കിലുള്ള താരത്തിൻറ്റെ പുത്തൻ ചിത്രമാണ് ശ്രദ്ധ നേടിക്കൊണ്ടിരിക്കുന്നത്.