“നമ്മുടെ ടീമിന്റേത് വിസ്മയകരമായ വിജയം” ; ഇന്ത്യൻ ടീമിനെ അഭിനന്ദിച്ച് ഷാറൂഖ് ഖാൻ

ഓസ്ട്രേലിയക്കെതിരായ നാലാം ടെസ്റ്റിൽ മികച്ച വിജയം നേടുകയും പരമ്പര സ്വന്തമാക്കുകയും ചെയ്ത ഇന്ത്യൻ ടീമിനെ അഭിനന്ദിച്ച് നടൻ ഷാറൂഖ് ഖാൻ. ടീം ഇന്ത്യയുടേത് വിസ്മയകരമായ വിജയമാണെന്ന് കിങ് ഖാൻ പറഞ്ഞു.

“നമ്മുടെ ടീമിന്റേത് എത്ര വിസ്മയകരമായ വിജയമാണ്!!! ഓരോ ഓവറും ഓരോ ബോളും ഞാൻ നിരീക്ഷിച്ചു. മത്സരം മുഴുവൻ കണ്ടു. ഇപ്പോൾ അൽപ്പം സമാധാനപരമായി ഉറങ്ങുകയും ഈ ചരിത്രനിമിഷം ആസ്വദിക്കുകയും ചെയ്യാം.

നമ്മുടെ എല്ലാ താരങ്ങൾക്കും സ്നേഹം അറിയിക്കുകയും ഈ വിജയത്തിലേക്ക് എത്തുന്നതിന് നമ്മളെ ശക്തിപ്പെടുത്തിയ അവരുടെ ഊർജ്ജസ്വലതയെ വളരെയധികം അഭിനന്ദിക്കുകയും ചെയ്യുന്നു. ചക് ദേ ഇന്ത്യ!” ഷാറൂഖിന്റെ ട്വീറ്റിൽ പറയുന്നു.