ബിഗ് ബോസ് തമിഴ് നാലാം സീസൺ വിജയി നടൻ ആരി അർജ്ജുനൻ നായകനാകുന്ന പുതിയ ചിത്രം പ്രഖ്യാപിച്ചു. ചിത്രത്തിൽ വില്ലാനായി മലയാളത്തിന്‍റെ സ്വന്തം അപ്പാനി ശരത്ത് എത്തുന്നു. ബ്ലോക്ക് ബസ്റ്റർ സംവിധായകൻ എ ആർ മുരുഗദോസിന്‍റെ അസോസിയേറ്റായിരുന്ന അബിൻ ഹരിഹരനാണ് ചിത്രം സംവിധാനം ചെയ്യുന്നത്.ആക്ഷൻ ത്രില്ലറായാണ് ചിത്രം ഒരുങ്ങുന്നത്. വിദ്യ പ്രദീപാണ് ചിത്രത്തിൽ നായികയായെത്തുന്നത്.
ചെന്നൈ, മധുര, ദിണ്ടിഗൽ, പഴനി എന്നിവിടങ്ങളിലായാണ് ലൊക്കേഷൻ. ചിത്രീകരണം ഈ മാസം 21ന് ആരംഭിക്കും. എ.ആർ റഹ്മാന്‍റെ ടീമിൽ ഉള്‍പ്പെട്ട സംഗീത‍ഞ്ജനായ സ്റ്റെർലിൻ നിത്യയാണ് സിനിമയുടെ സംഗീതം ഒരുക്കുന്നത്. വിവേകാണ് വരികള്‍ എഴുതുന്നത്. പി.വി കാർത്തിക്കാണ് ഛായാഗ്രഹണം.
Post Your Comments