സമൂഹമാധ്യമങ്ങളിൽ സജീവമാണ് നടൻ മാധവൻ. തന്റെ സിനിമാ വിശേഷങ്ങളും ചിത്രങ്ങളും താരം സോഷ്യൽ മീഡിയയിലൂടെ പങ്കുവെക്കാറുമുണ്ട്. ആരാധകരുടെ ചോദ്യങ്ങൾക്ക് മറുപടി പ്ററയാനും മാധവൻ സമയം കണ്ടെത്താറുണ്ട്. ഇപ്പോഴിതാ തനിക്ക് നേരെ ഉയർന്ന ഒരു കമന്റിന് മറുപടി നൽകിയിരിക്കുകയാണ് താരം.
മാധവൻ പങ്കുവെച്ച ഒരു ചിത്രത്തിന് താഴെ താൻ മദ്യപാനി ആണ് എന്ന കമന്റിനാണ് മാധവൻ മറുപടി നല്‍കിയിരിക്കുന്നത്. ഒരിക്കല്‍ മാധവൻ നമ്മുടെ ഹൃദയം കവര്‍ന്നിരുന്നു. ഇപ്പോള്‍ മദ്യപാനവും ലഹരിയും കാരണം മാധവന്റെ കരിയറും ജീവിതവും ഒക്കെ നശിക്കുന്നു. അദ്ദേഹത്തെ കണ്ണുകളും മുഖവും നോക്കിയാല്‍ മതി എല്ലാം മനസിലാകും എന്നായിരുന്നു കമന്റ്.
ഓ താങ്കളുടെ രോഗനിര്‍ണയം ഇങ്ങനെയാണോ? നിങ്ങളുടെ രോഗികളെ ഓര്‍ത്ത് ഞാൻ ആശങ്കപ്പെടുന്നു, നിങ്ങള്‍ക്ക് ഡോക്ടറുടെ അപോയ്‍ൻമെന്റ് ആവശ്യമാണ് എന്നാണ് മാധവൻ മറുപടി നല്‍കിയത്. മാധവൻ കമന്റിന്റെ ഫോട്ടോയും ഷെയര്‍ ചെയ്‍തിട്ടുണ്ട്. നിമിഷനേരംകൊണ്ടാണ് മാധവന്റെ പോസ്റ്റ് സമൂഹമാധ്യമങ്ങളിൽ വൈറലായി മാറിയത്.
Post Your Comments