ലഹരി മരുന്ന് കേസ് ; തെലുങ്ക് നടി അറസ്റ്റിൽ

മുംബൈ: നാർകോട്ടിക്സ് കൺട്രോൾ ബ്യൂറോ നടത്തിയ റെയ്ഡിനിടെ തെലുങ്ക് നടി ശ്വേതാ കുമാരി അറസ്റ്റിൽ. ഭയന്തറിലെ ഒരു ഹോട്ടലിൽ ഇന്നലെ രാത്രി നടത്തിയ റെയ്ഡിനിടെയാണ് ഇവരെ കസ്റ്റഡിയിലെടുത്തത്.

ശനിയാഴ്ച ബാന്ദ്രയിൽ നിന്ന് ചാന്ദ് ഷെയ്ക്ക് എന്നൊരാളെ ലഹരിമരുന്നുമായി എൻസിബി അറസ്റ്റ് ചെയ്തിരുന്നു. ഇയാൾക്ക് ലഹരിമരുന്ന് നൽകിയ സയീദ് എന്ന ഇടനിലക്കാരന് വേണ്ടിയുള്ള തെരച്ചിലിനിടെയാണ് നടിയെ കസ്റ്റഡിയിലെടുത്തത്.

നാല് തെലുങ്ക് സിനിമയിൽ ആഭിനയിച്ച ശ്വേത കന്നഡയിലും ഏതാനും വേഷങ്ങൾ ചെയ്തിട്ടുണ്ട്. നടിക്ക് ലഹരി മാഫിയയുമായി ബന്ധം ഉണ്ടെന്നാണ് പോലീസിന്റെ കണ്ടെത്തൽ.