ബിജു മേനോന്‍ -മഞ്ജു വാര്യര്‍ ചിത്രത്തിൽ അവസരം; വ്യാജ സന്ദേശങ്ങളെ അവഗണിക്കുവെന്നു മധു വാര്യര്‍

ബിജു മേനോന്‍- മഞ്ജു വാര്യർ കൂട്ടുകെട്ടിൽ മധു വാര്യര്‍ സംവിധാനം ചെയ്യുന്ന ചിത്രമാണ് ലളിതം സുന്ദരം. ചിത്രത്തിന്‍റെ പ്രവർത്തനങ്ങൾ അണിയറയിൽ പുരോഗമിച്ചുകൊണ്ടിരിക്കുകയാണ്. ഇപ്പോള്‍ സിനിമയുടെ കാസ്റ്റിംഗ് കോള്‍ സംബന്ധിച്ച്‌ വ്യക്തത വരുത്തിയിരിക്കുകയാണ് സംവിധായകൻ

 ചിത്രത്തിനു വേണ്ടി പ്രസിദ്ധപ്പെടുത്തിയിരുന്ന കാസ്റ്റിംഗ് കാളില്‍ നിന്നും ഡിസംബര്‍ 15ആം തിയതി വരെ വന്ന അപേക്ഷകളില്‍ നിന്നും അര്‍ഹരായവരെ തെരെഞ്ഞെടുത്തിട്ടുണ്ടെന്നു മധു വാര്യർ അറിയിച്ചു. നിലവില്‍ കാസ്റ്റിംഗ് കോള്‍ ഇല്ലാത്തതാണെന്നും ചിത്രത്തിന്‍റെ പേരില്‍ എതെങ്കിലും തരത്തിലുള്ള വ്യാജ സന്ദേശങ്ങള്‍ ലഭിക്കുകയാണെങ്കില്‍ അവ അവഗണിക്കേണ്ടതാണെന്നും ഫേസ്ബുക്കിലൂടെ അദ്ദേഹം വ്യക്തമാക്കി.

read also:‘ഒരു കല, രണ്ട് ഇതിഹാസങ്ങൾ’; മോഹൻലാലിനും പ്രിയദർശനുമൊപ്പമുള്ള ചിത്രം പങ്കുവെച്ച് ബിജുമേനോൻ

മഞ്ജു വാര്യര്‍ പ്രൊഡക്ഷന്‍സും സെഞ്ചുറി പ്രൊഡക്ഷന്‍സും ചേര്‍ന്ന് നിര്‍മ്മിക്കുന്ന ഈ ചിത്രത്തില്‍ സൈജു കുറുപ്പ്, ദിലീഷ് പോത്തന്‍ തുടങ്ങിയ താരങ്ങളും വേഷമിടുന്നു