കാത്തിരിപ്പുകൾക്കൊടുവിൽ ജനുവരി 13ന് വിജയ് ചിത്രം മാസ്റ്റർ തിയേറ്ററുകളിലേക്ക്. കഴിഞ്ഞ ദിവസമാണ് റിലീസ് തീയതി പ്രഖ്യാപിച്ചത്. ഇതോടെ, കേരളത്തിലെ തിയെറ്ററുകൾ തുറക്കണമെന്ന ആവശ്യമായി ആരാധകർ. ആരോഗ്യമന്ത്രി കെ.കെ ശൈലജയുടെ ഫെയ്‌സ്ബുക്ക് പേജിൽ നിറയെ ആരാധകരുടെ കമന്റുകളാണ്.
Also Read: പരമ്പരാഗത ആഭരണങ്ങൾ അണിഞ്ഞ് പേളി; വളക്കാപ്പ് ചിത്രങ്ങള്‍
ഇപ്പോള്‍ തിയേറ്ററുകള്‍ തുറന്നാല്‍ കേരളത്തില്‍ അടുത്തതവണയും എല്‍ഡിഎഫ് തന്നെ ജയിക്കുമെന്നും വിജയ് ആരാധകരെല്ലാം ഇടതുപക്ഷത്തിനു വോട്ട് ചെയ്യുമെന്നുമുള്ള മോഹന വാഗ്ദാനങ്ങളും നൽകാൻ ആരാധകർ മടിക്കുന്നില്ല. ‘തിയേറ്ററുകള്‍ തുറക്കണം തുറന്നാല്‍ അടുത്ത ഇലക്ഷന് എന്റെ വോട്ട് എല്‍ഡിഎഫിന്, ലാല്‍ സലാം സഖാവേ”, ”ബാക്കി എല്ലാം തുറക്കാം പക്ഷെ തിയേറ്റര്‍ മാത്രം തുറന്നാല്‍ കൊറോണ പിടിക്കും എന്ന് ഉള്ള ലോജിക് മനസിലാകുന്നില്ല”, എന്നിങ്ങനെ പോകുന്നു ചില കമന്റുകള്‍.
വിജയ്‌യും വിജയ് സേതുപതിയും ഒന്നിക്കുന്ന ചിത്രത്തിനായി ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്. ലോകേഷ് കനകരാജ് ചിത്രം മാസ്റ്റര്‍ തിയേറ്ററില്‍ റിലീസിനെത്തുന്നുവെന്ന വാർത്ത വന്നത് മുതൽ ആരാധകർ ആവേശത്തിലാണ്.
Post Your Comments