മലയാളത്തിന്റെ സ്വന്തം മെഹാസ്റ്റാർ മമ്മൂട്ടിയുടെ വാഹനപ്രേമത്തെ കുറിച്ച് നമുക്കെല്ലാം അറിയാവുന്നത്. അദ്ദേഹത്തിന്റെ ഒപ്പം യാത്ര ചെയ്യാൻ ആരുമൊന്ന് ആഗ്രഹിക്കും. അത്തരമൊരു അവസരം ലഭിച്ചത് തുറന്നു പറയുകയാണ് നടൻ സുരേഷ് കൃഷ്ണ.
പഴശ്ശിരാജയുടെ ഷൂട്ടിനിടെ മമ്മൂട്ടി ഒരു ബി.എം.ഡബ്ല്യൂ കാര്‍ വാങ്ങുകയും എന്നാല്‍ ഷൂട്ടിന്റെ തിരക്കായതിനാല്‍ കൊച്ചിയിലെ വീട്ടിലെത്തിയ കാര്‍ അദ്ദേഹത്തിന് കാണാന്‍ കഴിഞ്ഞില്ലെന്നും സുരേഷ് കൃഷ്ണ അടുത്തിടെ ഒരു അഭിമുഖത്തിൽ പറഞ്ഞു.
ഷൂട്ടിന് കുറച്ചു ദിവസത്തെ ഇടവേള വന്നപ്പോള്‍ ഞാനും മമ്മൂക്കയും ഒരുമിച്ച് കോഴിക്കോട്ടുനിന്ന് കൊച്ചിയിലേക്ക് വിമാനം കയറി. ഒരുമിച്ച് പോകാമെന്ന് അദ്ദേഹം പറഞ്ഞു. എന്റെ ലഗേജ് കിട്ടുന്നത് വരെ അദ്ദേഹം എന്നോടൊപ്പം കാത്തിരുന്നു. അന്ന് മമ്മൂട്ടിക്കൊപ്പം പുതിയ കാറില്‍ യാത്ര ചെയ്താണ് താന്‍ വീട്ടിലെത്തിയതെന്നും സുരേഷ് കൃഷ്ണ അഭിമുഖത്തില്‍ പറഞ്ഞു.
Post Your Comments