കുഞ്ഞുമാലാഖമാരായി സാന്ദ്രയുടെ തങ്കക്കൊലുസുകൾ ; ചിത്രങ്ങൾ കാണാം

പ്രേക്ഷകർക്ക് പ്രിയങ്കരിയാണ് നടിയും നിർമ്മാതാവുമായ സാന്ദ്രാ തോമസ്. സമൂഹമാധ്യമങ്ങളിൽ സജീവമായ താരം പങ്കുവെക്കാറുള്ള എല്ലാ ചിത്രങ്ങളും വിഡിയോകളും നിമിഷ നേരംകൊണ്ടാണ് വൈറലാകുന്നത്. മക്കളുടെ ചിത്രങ്ങളും വിശേഷങ്ങളും സാന്ദ്ര പലപ്പോഴും പങ്കുവെക്കാറുണ്ട്.

ഇരട്ടക്കുരുന്നുകളായ ഉമ്മുകുൽസുവും, ഉമ്മിണിത്തങ്കയുമാണ് സാന്ദ്രയുടെ മക്കൾ. കാത്ലിൻ, കെൻഡൽ എന്നാണ് യഥാർത്ഥ പേരുകളെങ്കിലും പ്രേക്ഷകരും സാന്ദ്ര വിളിക്കുന്ന ഓമനപ്പേരിൽ തന്നെയാണ് വിളിക്കുന്നത്.

ഇപ്പോഴിതാ രണ്ടര വയസ്സുകാരായ തങ്കകൊലുസുകളുടെ ക്യൂട്ട് ഫോട്ടോഷൂട്ട് ചിത്രങ്ങളാണ് താരം ആരാധകരുമായി പങ്കുവച്ചിരിക്കുന്നത്.പ്രശസ്ത ഡിസൈനറായ ടിയാ നീൽ ആണ് തങ്കക്കൊലുസുകളുടെ കുട്ടിക്കുപ്പായങ്ങൾ ഡിസൈൻ ചെയ്തിരിക്കുന്നത്.

ഫ്ലവർ ക്രൗണുകളണിഞ്ഞ് മാലാഖകുഞ്ഞുങ്ങളായാണ് തങ്കക്കൊലുസ് ചിത്രങ്ങളിലുള്ളത്. നിമിഷ നേരം കൊണ്ടാണ് ചിത്രം സമൂഹമാധ്യമങ്ങളിൽ വൈറലായി മാറിയത്. നടി ദീപ്തി സതിയും കുട്ടികൾക്കൊപ്പം ഫോട്ടോഷൂട്ട് നടത്തുന്നുണ്ട്.