കിച്ച സുദീപിനും ഭാര്യക്കുമൊപ്പം മഞ്ജു വാര്യർ ; പുതിയ സിനിമയ്ക്ക് വേണ്ടിയുള്ള കൂടിക്കാഴ്ച ആണോ എന്ന് ആരാധകർ ?

പ്രേഷകരുടെ പ്രിയപ്പെട്ട നടിയാണ് മഞ്ജു വാര്യർ. മഞ്ജുവിന്റെ ചിത്രങ്ങൾക്ക് വേണ്ടി ആകാംക്ഷയോടെയാണ് പ്രേക്ഷകർ കാത്തിരിക്കുന്നത്.
മരക്കാര്‍ അറബിക്കടലിന്റെ സിംഹം, ലളിതം സുന്ദരം, ചതുര്‍മുഖം, കയറ്റം, ദി പ്രീസ്റ്റ് തുടങ്ങിയ ചിത്രങ്ങളാണ് മഞ്ജു വാര്യരുടേതായി ഒരുങ്ങുന്നത്.
മഞ്ജുവിന്റെ സഹോദരനും നടനുമായ മധു വാര്യർ ആദ്യമായി സംവിധാനം ചെയ്യുന്ന ചിത്രത്തിൽ മഞ്ജു അഭിനയിക്കാൻ പോകുന്ന വിവരം വാർത്തകളിൽ ഇടം പിടിച്ചിരുന്നു. ഇപ്പോഴിതാ സിനിമയുടെ ലൊക്കേഷനിൽ നിന്ന് മഞ്ജു പങ്കുവെച്ച ചിത്രമാണ് ചർച്ചയാവുന്നത്.

ലളിതം സുന്ദരത്തിന്റെ ലൊക്കേഷനിൽ കിച്ച സുദീപും ഭാര്യ പ്രിയ സുദീപിനുമൊപ്പമുള്ള ചിത്രങ്ങളാണ് മഞ്ജു പങ്കുവെച്ചത്. ഞങ്ങളുടെ ലൊക്കേഷനിലേക്ക് സര്‍പ്രൈസായി വന്നു. കേരളത്തിന്റെ ഈച്ച മനുഷ്യനെ കാണാനായതില്‍ ഒരുപാട് സന്തോഷമെന്നുമായിരുന്നു മഞ്ജു വാര്യര്‍ കുറിച്ചത്. ഇതിനകം തന്നെ താരത്തിന്റെ കുറിപ്പും ചിത്രങ്ങളും വൈറലായി മാറിക്കഴിഞ്ഞിട്ടുണ്ട്.

മഞ്ജുവും മധുവും ചേര്‍ന്നൊരുക്കുന്ന വലിയ സര്‍പ്രൈസാണോ ഇതെന്നായിരുന്നു ആരാധകര്‍ ചോദിച്ചത്. ബിജു മേനോനാണ് ചിത്രത്തില്‍ നായകനായെത്തുന്നത്. കണ്ണെഴുതി പൊട്ടും തൊട്ട് എന്ന ചിത്രത്തിന് ശേഷം ഇരുവരും ഒരുമിച്ച് അഭിനയിക്കുന്ന സിനിമയെന്ന പ്രത്യേകതയും ഈ ചിത്രത്തിനുണ്ട്.