കേരള സംസ്ഥാന ചലച്ചിത്ര അക്കാദമി ഫോട്ടോ ചലഞ്ച് സംഘടിപ്പിക്കുന്നു

കേരള രാജ്യാന്തര ചലച്ചിത്ര മേളയുടെ രജതജൂബിലി വർഷത്തിൽ സംസ്ഥാന ചലച്ചിത്ര അക്കാദമി ഫോട്ടോ ചലഞ്ച് സംഘടിപ്പിക്കുന്നു. 25-ാമത് കേരള രാജ്യാന്തര ചലച്ചിത്ര മേള 2021 ഫെബ്രുവരി 12 മുതൽ 19 വരെ നടത്താനാണ് തീരുമാനം.

ഐ ഐ എഫ് കെ അതിന്റെ വളർച്ചയുടെ ഓരോഘട്ടങ്ങളിലൂടെയും കടന്ന് പോയതിനെ ഓർമിപ്പിക്കുന്ന തരത്തിലുള്ള ചിത്രങ്ങളാണ് അയച്ചു കൊടുക്കേണ്ടത്. ഇതിൽ തിരഞ്ഞെടുക്കുന്നവ ഐ ഐ എഫ് കെ യുടെ ഔദോഗിക വെബ് സൈറ്റിൽ പ്രസിദ്ധീകരിക്കുന്നതാണ്.

പ്രധാന പരിപാടികൾ, അതിഥികൾ ആയി എത്തിയിട്ടുള്ള പ്രധാന ചലച്ചിത്രകാരന്മാർ, ആൾക്കൂട്ടം, ആഘോഷങ്ങൾ, തീയറ്റർ പരിസരങ്ങളിലെ അലങ്കാരങ്ങൾ എന്നിങ്ങനെ ഉള്ളത് ആയിരിക്കണം അയക്കേണ്ടത്. സെൽഫി ഫോട്ടോകൾ അനുവദിക്കുന്നതായിരിക്കില്ല.2020 ഡിസംബർ 26 നകം iffkphoto@gmail.com എന്ന അഡ്രസിലേക്കാണ് അയക്കേണ്ടത്.