ഹൃദയാഘാതത്തെ തുടർന്ന് ചികിത്സയിലായിരുന്നു സംവിധായകാൻ റെമോ ഡിസൂസ മടങ്ങിയെത്തി. ആശുപത്രിയിൽ നിന്ന് മടങ്ങിയെത്തിയ റെമോയ്ക്ക് വീട്ടുകാർ ഗംഭീര സ്വീകരണമാണ് ഒരുക്കിയത്. ഇതിന്റെ ചിത്രങ്ങളും വിഡിയോകളും സമൂഹമാധ്യമങ്ങളിൽ വൈറലായി മാറിയിരിക്കുകയാണ്.റെമോ തന്നെയാണ് വീഡിയോ ഷെയര്‍ ചെയ്‍തത്. ഞാൻ തിരിച്ചെത്തിയെന്നാണ് റെമോ ഫോട്ടോകള്‍ പങ്കുവെച്ച് എഴുതിയിരിക്കുന്നത്.
എല്ലാവരുടെയും സ്‍നേഹത്തിനും പ്രാര്‍ഥനയ്‍ക്കും നന്ദി. മക്കളുടെ സ്വീകരണത്തിനും മനോഹരമായ തിരിച്ചുവരവിനും നന്ദി, മറ്റ് സുഹൃത്തുക്കള്‍ക്കും നന്ദി എന്നും എഴുതിയിരിക്കുന്നു.
കൊറിയോഗ്രാഫറും സംവിധായകനുമായ റെമോ ഡിസൂസയ്‍ക്ക് അടുത്തിടെ ഹൃദയാഘാതമുണ്ടായിരുന്നു. മുംബൈ കൊകിലബെൻ ആശുപത്രിയിലായിരുന്നു പ്രവേശിപ്പിച്ചത്.
റെമോ ഡിസൂസ ആദ്യം നര്‍ത്തകനായാണ് കലാരംഗത്ത് ശ്രദ്ധേയനാകുന്നത്
ചില സിനിമകളില്‍ നടനായി അഭിനയിച്ച റെമോ ഡിസൂസ എ ഫ്ലൈയിംഗ് ജാട്ട്, സ്‍ട്രീറ്റ് ഡാൻസര്‍ 3ഡി തുടങ്ങിയ ചിത്രങ്ങൾ സംവിധാനം ചെയ്തിട്ടുണ്ട്.
Post Your Comments