തമിഴ് ഉൾപ്പടെയുള്ള തെന്നിന്ത്യൻ സിനിമകളിൽ സംഗീത സംവിധാനം നിര്‍വഹിച്ച സന്തോഷ് നാരായണൻ മലയാള സിനിമയിലേക്ക് അരങ്ങേറ്റം കുറിക്കുന്നു. നവാഗത സംവിധായകൻ ഡാര്‍വിൻ കുര്യാക്കോസ് സംവിധാനം ചെയ്യുന്ന സിനിമയിലൂടെയാണ് സന്തോഷിന്റെ അരങ്ങേറ്റം.
സിനിമയുടെ പേര് ഇതുവരെ പ്രഖ്യാപിച്ചിട്ടില്ല. ജിനു എബ്രഹാം തിരക്കഥയെഴുതി ടൊവിനൊ തോമസ് നായകനാകുന്ന ചിത്രത്തിലാണ് സന്തോഷ് നാരായണൻ ഭാഗമാകുന്നത്.
കബാലി, കാല, വെട്രിമാരന്റെ വടാ ചെന്നൈ എന്നീ ചിത്രങ്ങളുടെ സംഗീത സംവിധായകൻ സന്തോഷ് നാരായണൻ ആയിരുന്നു. കാര്‍ത്തിക് സുബ്ബരാജിന്റെ സംവിധാനത്തില്‍ ജഗമേ തന്തിരം എന്ന ചിത്രത്തിലെയടക്കം ഗാനങ്ങള്‍ സ്വന്തം സംവിധാനത്തില്‍ സന്തോഷ് നാരായണൻ പാടിയിട്ടുമുണ്ട്.
Post Your Comments